Author: Telenovela

Zulejha ballafaqohet me Zonjën e Madhe për telefonatën që merr nga burgu ku ndodhet Jëllmazi dhe ajo nuk i mohon asgjë, por i rikujton se tashmë është gruaja e Demirit dhe si e tillë duhet të sillet. E tmerruar nga tradhëtia, Zulejha merr gërshërët.

Ajo ia drejton vetes në bark duke thënë se do i japë fund asaj që të gjithë presin, fëmijës për Demirin. Zonja e Madhe nuk bën asnjë hap për t’a ndaluar, përkundrazi. Ajo i thotë Zulejhasë të vazhdojë t’a bëjë pasi nuk paska për të qenë fare nënë e devotshme.

Në çast, Zulejha ndërron mendje dhe nuk e bën, por thjesht mbyllet në dhomë dhe qan. Mëngjesin e të nesërmes, ajo nuk do ketë forcë as për të qarë por menjëherë i bie të fikët nga tronditja kur dëgjon në radio se në burgun ku ndodhet Jëllmazi ka rënë zjarr dhe mes të vdekurve është edhe emri tij.

Në atë burg, para se të përhapej zjarri e të shkaktonte viktima, është futur edhe vëllai i Zulejhasë, Veliu. Para se Jëllmazi të vdiste, ai mësoi se Demiri është martuar me Zulejhanë.

Muaj të tërë kalojnë që nga ajo ditë dhe shtatzënia e Zulejhasë vazhdon më së miri. Ndërkohë, Demiri fiton zgjedhjet dhe bëhet politikani më i votuar i vendit. Në ftesën e parë ku do marrë pjesë pas fitores, ai zgjedh të shkojë me Zulejhanë.

Vendimi tij i papritur e lëndon Zonjën e Madhe që gjithnjë e ka shoqëruar kudo dhe pavarësisht vendimit të tij, edhe ajo përgatitet për të shkuar. Në mbrëmje, Zulejha dëgjon Sanijen dhe Fadikun në kuzhinë duke bërë thashetheme për të dhe vendos të mos heshtë.

Edhe Sanija i thotë në sy se në atë shtëpi, për të, zonjë është vetëm nëna e Demirit. Në çast, Zonja e Madhe i dëgjon të gjitha dhe hesht para Zulejhasë kur ajo thotë se i dëbon të dyja nga shtëpia, edhe Fadikun edhe Sanijen.

Xhemre kërkon falje nga Aliu që nuk e ndihmoi dot më tepër por Aliu nuk e zgjat aspak më tepër atë bisedë. Teksa fëmijët vazhdojnë projektin, prindërit e tyre takohen dhe mes tyre, Nesini shikon me sytë e saj afrimitetin e Onderit me Derjën.

Ndërkohë, Kenani mbushet me mllef kundrejt Derjës. Ai merr në duar përgjigjen e analizave të ADN-së, që vërtetojnë se Aliu është djali saj dhe për këtë kërkon llogari nga Derja, por kjo e fundit i rikujton traumën që ai i ka shkaktuar dhe betohet se nuk do ia lërë të birin.

Sakaq, të nesërmen në shkollë, djali i tyre Aliu do trondisë Onderin. Fillimisht Onderi tronditet nga e gjithë klasa kur shikon që projektin me video ato e kanë kthyer në tallje ndaj shokëve të varfër, ndërsa më pas tronditet nga videoja që tregon Aliu.

Aliu shfaq videon e natës kur është gjendur i vdekur shoku tyre Vefa, në të cilën duket qartazi Xhemreja që ka gisht. Onderi i tmerruar thekson që Vefa është gjendur i vdekur ndërsa Aliu dhe shokët e tij besojnë fort se ai është vrarë nga dikush në mesin e tyre.

Kaderi nxiton për tek Vedati për t’i thënë se ka gjetur një vajzë të denjë për Bilalin, gjë që këtë të fundit e shokon. Ai nuk reagon dot në prezencë të të atit, ndaj i shkon nga pas Kaderit kur ajo largohet dhe i bën të qartë se nuk do e pranojë atë hakmarrje.

Bilali ngulmon se zemra tij rreh vetëm për Kaderin por më kot, ajo nuk e dëgjon. Ai rikthehet tek babai tij Vedati por merr një shuplakë nga ai sepse flet keq mbi nënën që ka në burg. Në fund, Vedati bie në heshtje sepse Bilali i rikujton se ai nuk ka as para për t’a martuar.

Në anën tjetër, po atë natë, heshtja do bijë dhe mes Kenanit e Onderit, kur njërit i vjen gruaja ndërsa tjetrit ish-gruaja. Në atë situatë të sikletshme ku Nesini ende shpreson tek Onderi, Kenani e sjell bisedën për të treguar se Onderi po njihet me dikë.

Diçka të tillë, as Kenani nuk e thotë në formë të drejtëpërdrejtë dhe as Onderi nuk e pranon apo mohon. Megjithatë, nga Ajla, Nesini mëson se me kë ka filluar të njihet Onderi. Pa humbur fare kohë, ajo i shkon të nesërmen në mëngjes në dyqan Derjës.

Derja nuk e njeh aspak Nesinin dhe sillet normalisht me të, aq sa hap edhe telefonatën e Onderit në prezencë të saj.
Sakaq, Xhemreja dëgjon me neveri planet e Berkut kundër Aliut dhe shoqërisë së tij.

Fshehurazi por pa aspak mëdyshje, ajo i dërgon atij një mesazh ku i kërkon të jetë sa më i vëmendshëm dhe konkretisht i tregon planet e Berkut kundër tij. Megjithatë, nuk kalon shumë kohë dhe veprimi saj nuk mbetet më i fshehtë.

Gaffuri merr një zarf plot me para për heroizmin e natës së kaluar, që shpëtoi jetën e zonjës Hynkjar. Motra tij Gylteni e shikon duke numëruar paratë dhe pandeh se është paguar për të vrarë Jëllmazin, ndaj dhe nis të ulërasë e t’a godasë Gaffurin.

Ai i hakmerret së motrës shumë rëndë, duke e lënë me shenja në fytyrë. Personi që i shkon pranë sapo vëren mungesën e saj, është Zylejha. Kjo e fundit, e kupton se gjendja Gyltenit ka lidhje me Jëllmazin por sado që i përgjërohet, Gylteni nuk flet.

Arsyen e gjendjes së Gyltenit, nuk e mëson dot as Sanija. Gaffuri e gënjen duke i thënë se Gylteni i ka shkruar letër dashurie Jëllmazit, ndaj Sanija sugjeron t’a martojnë Gyltenin, gjë që kjo e fundit e kundërshton duke kërcënuar me jetë.

Që aty, Gaffuri rikthehet në krye të detyrës por kësaj rradhe, do marrë kritika aq të shumta nga Demiri, saqë merret vendimi për t’a hequr nga puna. I revoltuar pafund, Gaffuri kërcënon lehtë zonjën Hynkjar, duke i rikujtuar se i di sekretet e saj.

Paralelisht, edhe Sanija kërcënon Zylejhanë, duke i thënë se e di sekretin e saj. Zylejha tronditet dhe hesht, pa e ditur që Sanija thjesht po e provokon. Në mbrëmjen e asaj dite të vrullshme, Demiri mëson se Jëllmazi ndodhet në burgun e Adanjës.

Me një armë në dorë, ai shkon për t’a vrarë por për fat, e ndalon shoku tij Xhengaveri. Ai e sjell në shtëpi, ku Demiri rrëfen tronditshëm para nënës së tij se Jëllmazi ka qenë burri i Zylejhasë ndërsa ajo e trondit duke i thënë se Jëllmazi ka tentuar t’a vrasë një natë më parë por e ka shpëtuar Gaffuri.

Feriti rrëfen para Nevrasë se ka pëlqim ndaj saj, prandaj ajo nuk përmbahet por i merr puthjen e parë në buzë. Që nga ajo natë, Feriti fillon kërkimet e detajuara për të, që t’a bëjë për vete sa më shpejt të jetë e mundur.

Ndërkohë në shtëpinë e tij, Kaja kërkon llogari nga gjyshi tij Halisi, teksa edhe i tregon gjithë vuajtjet që ka parë tek nëna e tij gjatë rritjes duke qenë të vetëm, larg të gjithëve. I trishtuar nga ato që dëgjon, Halisi vendos t’a afrojë Kajanë pranë vetes.

Afrimin e tregon duke i bërë surprizë pozicionin e tij në kompaninë e Korhanëve. Mëngjesi fillon mëse i bukur për Kajanë por jo aq i bukur për Feritin, të cilit babai i pranon se dikur e kanë martuar me dhunë me Gylgynin dhe tani do të divorcohet.

Sakaq, Sejranit i del përpara familja saj dhe me shumë ngulmim, e marrin për të ngrënë mëngjesin në një restorant por ajo situatë do kthehet në një sherr të madh pasi Sejranin e kryqëzojnë njerëzit që e pranon të atin, pas deklaratës që bëri për të.

Gjatë asaj kohe, kundër Kazimit po përgatiten plane të frikshme. Ato plane i organizon Orhani, i cili brenda ditës, arrin edhe t’a rrëmbejë atë. Sejrani dhe askush nuk është ende në dijeni të atij rrëmbimi, prandaj Sejrani, e qetë takon në befasi Latifin.

Ajo i tregon sekretin që ka mësuar dhe në kërcënim të hapur, i bën të qartë se do ua nxjerrë atë sekret nëse ai nuk i mban Korhanët larg familjes së saj. Vetëm pak çaste më vonë, Sejrani do shikojë Feritin të shoqëruar romantikisht nga Nevra por nuk reagon. Ato të dy i shikon edhe Përëlli por ndryshe nga Sejrani, ajo do shkaktojë skandal.

Suzana mëson nga Nebahati dhe Ajla, se Akifi e ka shitur shkollën por me paratë, fillimisht do investojë në treg e më pas do e nxjerrë atë nga burgu. Të nervozuara pafund nga ligësitë e Akifit, ato vendosin të bashkohen për hakmarrje.

Ndërkohë, djali saj Omeri po merr paralajmërimin e parë nga Tollga, si djali i pronarit të ri të shkollës, që betohet se do i dëbojë që aty meqë janë me bursë. Teksa ato debatojnë, brenda në shtëpi ndodhet ende e moshuara Sevgi.

Omeri nuk e di se ajo është gjyshja nga ana e babait të tij biologjik, e cila ka qenë edhe shkak i ndarjes së të birit nga Suzana, asokohe. Sakaq, fëmijët e tjerë, Ogulxhani dhe Ajbikeja, po përpiqen që prindërit e tyre të mos ndahen.

Ndonëse ato organizojnë një piknik surprizë për to, çdo gjë merr për keq, sepse Orhani i bashkohet atij pikniku sëbashku me Gonylin. Pas atij momenti, Shengyli vendos të heqë dorë njëherë e mirë nga Orhani.

Ogulxhani, pasi i kundërvihet Asijes pak më pak se Ajbikeja, shkon me këtë të fundit për të përgatitur piknikun surprizë për prindërit e tyre, me shpresën se ato do pajtohen por gjithçka merr për keq sepse Orhani vjen me Gonylin.

Mes tyre lind një sherr i madh dhe pas atij sherri, Shongyli largohet duke u betuar se asnjëherë më nuk do ketë të bëjë me Orhanin. Ndërkohë, në oborrin e tyre shkel Tollga, me një mllef të madh kundrejt Omerit dhe Asijes.

Ai u betohet se tani që shkolla po blihet nga babai tij, do i dëbojë që aty. Ajo shkollë që shitet nga Akifi, nuk do shërbejë për lirimin e Suzanës. Nebahati dhe Ajla mësojnë që Akifi do investojë fillimisht me ato para, më pas do lirojë Suzanën.

Në mbështetje si femra femrës, ato e ftojnë Suzanën për t’u hakmarrë ndaj Akifit. Suzana nuk e di, që djali saj Omeri, po jeton në ato momente me Sevgin, gjyshen e tij nga ana e babait biologjik, që ka qenë dhe shkaku i ndarjes së Suzanës asokohe.

Emiri shokon xhaxhain e tij duke i treguar për martesën me Feridenë, po aq sa xhaxhai tij e shokon duke i treguar për martesën me Narinin. Që të dy, thonë me bindje se martesat janë për hir të dikujt tjetër.

Emiri thotë se po e bën për hir të djalit të tij, Jigitit, ndërsa Kemali thotë se po e bën për hir të Narinit, pasi ajo do t’a shohë sa më të lumtur motrën, në ditët e saj të fundit.

Ndërkohë në shtëpi, Songyli përpiqet t’a nxisë Hikmetin kundër martesës së Emirit me Feridenë. Ndryshe prej saj, Melikeja shpreh gjithë miratimin dhe pëlqimin për atë martesë.

Veprimi i Melikesë, bën që Songyli të humbasë aq shumë toruan, saqë i hedh ujë në fytyrë dhe i thekson se do e pësojë ende më keq nëse sërish guxon t’i japë mend Hikmetit.

Songyli përpiqet t’a kthejë Hikmetin kundër martesës së Emirit me Feridenë por nuk ia del dot. Gjatë asaj kohe, Emiri i shpjegon Kemalit se martesën po e bën vetëm për hir të djalit të tij, Jigitit.

Edhe vetë Ferideja e di që propozimi i Emirit ka ardhur vetëm për hir të Jigitit, ndaj dhe refuzon që të bëjnë një dasëm të vërtetë. Refuzimi saj, vetëm sa e bind më shumë Emirin që nëna tij Xhavidana e ka mësuar mirë Feridenë si të sillet.

Çdo veprim i saj, Emirin e bën të dyshojë, ndërkohë që Melikeja nuk dyshon aspak tek Ferideja. Madje ajo i shkon pranë Hikmetit vetëm për t’i folur për atë martesë, gjë që Songylin e acaron pafund.

Sapo gjen mundësinë, ajo e torturon fizikisht Melikenë, duke i theksuar se nuk i takon aspak asaj që t’i japë mend Hikmetit. Përtej çdo torture të Songylit, Melike vijon të jetë e heshtur.

Aishe mposht çdo ndjenjë të rëndë brenda vetes, për të uruar Feritin dhe Akasjan me një dhuratë për martesën e tyre. Feriti çuditet nga ai veprim, ndërsa Aisheja çuditet ende më shumë, kur dëgjon fshehurazi një bisedë të tij me Vollkanin.

Nga ajo bisedë që përgjon, Aishe mëson se Feriti është martuar me Akasjën sepse ajo është e sëmurë dhe po vdes. Nga njëra anë, Aishe qan për paragjykimin që i ka bërë Feritit, nga ana tjetër për sëmundjen e Akasjës.

Teksa Aishe ndërron totalisht sjellje dhe afron Akasjën pranë vetes, Feriti i shikon i çuditur. Megjithatë i lë me njëra tjetrën dhe për vete, shkon pranë Vollkanit, për t’i treguar se nëna tij ka vdekur nga e njëjta sëmundje.

Sakaq, Jamani shkon pranë Nanës, të cilën e shikon duke e hequr me forcë varësen që i dhuroi Nedimi. Ai e ndihmon, si dhe i premton se do e shpëtojë ai nga situata ku ndodhet.