Month: March 2025

Mbrëmjen e kalur gjatë prime ndër të tjera u diskutua edhe një reagim i Gjestit pasi kishte parë një nishan të Eglit.

Të dy banorët nuk dëshiruar të flisnin për diçka të tillë gjatë Prime, por kjo nuk e ndaloi Ledjonin që të jepte mesazhin e tij.

Pas Prime, Gjesti ka shprehur indinjatën e tij ndaj Eglit, duke e fajësuar dhe akuzuar si lojtare që ka luajtur me të, duke mos mbajtur fjalën që ajo gjë të mos flitet në shtëpi.

Kjo ka bërë që Egli të humb kontrollin dhe t’i kthehet me këto fjalë: “O i pafytyrë! Të kam mbrojtur gjithmonë, të mbrojta dhe në prime edhe pse the fjalët më të këqija për mua dhe tani ma hedh fajin mua. Kush je ti? E kam ulur veten për ty, kam qenë fansja jote që ta fitosh ti, por nuk më manipulon më…”

Mbetet të shohim nëse kjo krisje do jetë përfundimtare apo çifti do pajtohet.

Pas daljes nga shtëpia e Big Brother VIP 4, G Bani ka bërë një reagim në rrjetet sociale ku falënderon ata që e kanë mbështetur dhe sqaroi situatën që përjetoi brenda spektaklit.

Teksa ishte në BBV4, ai mori një lajm të trishtuar për shëndetin e të atit. Fillimisht, ai dyshoi në vërtetësinë e lajmit, por pas daljes e kuptoi se gjithçka ishte reale. Në mesazhin e tij publik, G Bani theksoi se nuk do të publikojë foto apo momente të vështira për të “bindur” të tjerët, duke i lënë pas komentet dhe dyshimet.

“Nuk më është besuar deri sa kam folur me familjen. E besojnë apo jo disa lojtarë e shumë komentues, edhe unë kam familje,” shkroi ai, duke bërë të qartë se për të, rëndësi ka familja dhe jo opinionet e të tjerëve.

Ai shtoi se të gjitha fjalët, kërcënimet dhe sharjet që ka marrë gjatë kësaj kohe i fal të gjithëve, duke i lënë pas ato që ndodhën brenda shtëpisë së Big Brother VIP. Në fund, ai përshëndeti të gjithë dhe uroi banorët e mbetur në garë.

Prime i sotëm nisi ndryshe, pasi Ledjoni hyri në shtëpinë e BBVA për t’i dhënë një lajm G-Banit.

Babai i rreperit është i sëmurë dhe familjarët e tij kanë kërkuar që G-Bani të jetë pranë tyre.

Ledjoni i tha se produksioni i ka prerë biletën për Londër dhe G-Bani vendosi të largohet.

Por në media po qarkullon një video ku në dalje të shtëpisë, G-Bani pyet Ledjonin: “Është rrenë për të më nxjerrë…?”

Kjo ka hedhur dyshime se produksioni ka vendosur ta nxjerrë G-Banin në këtë mënyrë për ta kursyer nga Zarfi i Zi pas sjelljeve të tij të përsëritura.

Megjithatë, në çdo rast, ne i urojmë shëndet dhe shërim të plotë babit të G-Banit.

https://www.instagram.com/reel/DGynVLaxERg/?igsh=cjUxb2pra3c3bTBj

Prime i sotëm i ‘BBVA’ ka nisur në një mënyrë tepër të pazakontë, me Ledion Liçon që u fut në shtëpi. Ai i dha një lajm të trishtë G Banit, babai i së cilit ka pësuar një ishemi dhe ndodhet në spital në Londër.

“Keni kaluar disa ditë jo dhe fortë të mira për shkak të gripit por më vjen mirë që jeni të gjithë mirë. Sonte duhet të vija brenda për dikë prej jush që duhet t’ia thoja vetë. Nuk është shumë e rëndë. G Bani duhet të të them diçka.

Pak kohë më parë na kanë njoftuar se babai yt është sëmurë dhe ndodhet në spital. Ka pësuar një ishemi dhe për momentin gjëndja është e stabilizuar. Mami dhe vëllai e dinë sa shumë ti e do këtë eksperiencë, por ata duan që të ndodhesh pranë tij këto momente.

Produksioni të ka prerë biletën e avionit që të nisesh për në Londër që këto momente”, i tha Ledioni banorit.

Kurioziteti për një detaj të vogël fizik ka pushtuar rrjetet sociale dhe diskutimet në “Big Brother”. Gjithçka nisi nga një episod që për shumëkënd mund të duket i pabesueshëm: një nishan shkaktoi dramë, refuzim dhe lot.

Siç mund ta keni lexuar, Egli, që flinte pranë Gjestit dhe Rizartës, u ndje e refuzuar pasi ky i fundit përdori jorganin si barrierë për të shmangur çdo kontakt fizik me të. Arsyeja? Një nishan në këmbën e Eglit, i cili, sipas Gjestit, i shkaktoi një ndjesi aq të çuditshme saqë nuk mundi ta kontrollonte neverinë e tij. Epo, misteri mori fund.

I hymë hulumtimeve në Instagram dhe e gjetëm nishanin e Eglit. Me gjithë respektin për dramën e krijuar, është e qartë se nishani në fjalë është – një nishan.

Një shenjë e zakonshme, e pranishme në trupin e shumë njerëzve. Asgjë tronditëse, asgjë e pazakontë, asgjë që të meritonte një përplasje aq dramatike.

Prime i natës së sotme në BBVA premton shumë surpriza dhe emocione që do na mbajnë mbërthyer para televizorit.

Rizarta është zgjedhur si lider e shtëpisë dhe siç ka paralajmëruar Vëllai i Madh, ajo do ketë një avantazh shumë të rëndësishëm në lojë.

Siç edhe ajo vetë e ka thënë, nëse i vjen mundësia, në nominim do nxjerrë Eglin, Gjestin dhe Rozanën. Pasi u bë lidere ajo e konfirmoi këtë duke thënë se “do i vinte flakën me avantazhin.”

Gjasat janë që Rizarta të ketë një Kuti Pandore sonte, por e vetmja dilemë është nëse do dërgojë 2 apo 3 banorë në nominim.

Nëse do jenë 3, atëherë treshja e saj do jetë Gjesti, Egli dhe Rozana, ku sigurisht më e rrezikuara që të lërë shtëpinë është Egli, pasi Gjesti dhe Rozana janë dy nga lojtarët më të fortë të këtij edicioni.

Nëse televotimi do jetë brenda natës apo për të shtunën, këtë mbetet ta shohim, pasi nëse është brenda natës, atëherë Egli do duhet të lërë shtëpinë që sonte.

Dita e sotme ka nisur vrullshëm për Gjestin, i cili pas një debati me Jozin, ka pasur një përplasje tjetër me Vserlon.

Teksa të dy debatonin pranë pishinës, Vserlo e ka humbur qetësinë dhe Vëllai i Madh e ka thirrur Gjestin në dhomën e rrëfimit për të ndalur eskalimin e Vserlos.

Kjo nuk i ka pëlqyer aspak Gjestit i cili ka reaguar i indinjuar ndaj produksionit.

“Jo Vëllai i Madh, mos më thirrni kur ju afrohem dhe kto eskalojnë, duke më thënë për të mos i ngucur”, ka thënë Gjesti, duke na lënë të kuptojmë se brenda dhomës së rrëfimit atij i ndalohet të provokojë banorët.

G Bani mbetet një nga banorët më të zhurmshëm të Big Brother, duke shkaktuar përplasje të forta, veçanërisht me vajzat e shtëpisë.

Pas rikthimit, ai është përplasur me Danjën dhe së fundmi me Valbona Mhillin, duke debatuar me tone të larta dhe madje duke eskaluar situatën.

Pamjet e incidenteve nuk ndodhen në faqet zyrtare të Big Brother, por janë bërë virale në TikTok dhe platformën X.

Kujtojmë se G Bani u përjashtua më parë me zarf të zi pasi goditi Gjestin, dhe me sjelljet e fundit, duket se nuk e ka larg një tjetër përjashtim.

Në këtë edicion të “Big Brother”, një ndër diskutimet në të shumta ka qenë sjellja dhe raporti i  Valbonës me Jozin, që disa prej banorëve kanë komentuar për situatat e krijuara nga ajo dhe lojën e saj, apo mund të ketë dhe diçka më shumë.

Situatat pas rikthimit të Jozit në shtëpi nuk kanë qenë fort të mira pasi ai dhe Loredana duket se janë ndarë dhe ai është afruar tepër me Valbonën, e cila i mbështet dhe kokën mbi supe teksa Loredana ndodhet aty.

Ata kanë shprehur se kanë shoqëri të përbashkët me njëri-tjetrin, prandaj shfaqen kaq të afërt, por shumë komentues dhe gazetarë të ndryshëm kanë pohuar se Jozi dhe Valbona mund të kenë patur një histori dashuri më parë.

Diçka që shumë e kanë dyshuar, por mbrëmjen e sotme ajo e ka pohuar këtë gjë, ku prezent kanë qenë Jozi dhe Loredana, të cilët ishin duke debatuar e sqaruar me njëri-tjetrin. Valbona ka ndërhyrë duke shprehur se:

Jemi ish të dashur, sot jemi shokë…

Një deklaratë që Loredana e ka pritur mjaft mirë duke treguar se ka patur dyshimet e saj, ndërsa Jozi ka komentuar duke thënë se me Valbonën nuk do të bënte gjë dhe se nuk ka rëndësi çfarë ka ndodhur më parë.

Një deklaratë e tillë na ka habitur të gjithëve, duke mos e kuptuar nëse kjo është një lojë apo e vërtetë.

Jozi gjithashtu ka shprehur se dëshiron që ao dhe Loredana të vazhdojnë rrugëtimin të ndarë dhe se sipas tij, ata nuk janë për njëri-tjetrin.

Banori aktiv i Big Brother VIP Albania 4, Gjesti, ka shprehur dëshirën e tij për ta fituar këtë edicion, duke kërkuar ndihmën e Zotit.

Në një video të shpërndarë në rrjetet sociale, ai tha se ka kaluar shumë sfida dhe beson se e meriton të jetë fituesi. Ai përmendi shuplakën e marrë nga G Bani dhe komentet negative nga banorët e tjerë, duke theksuar se ka luftuar për të arritur deri në këtë pikë.

“O Allah, ndihmoje mbretin të ndalë dritat,” u shpreh ai, duke aluduar për momentin kur fituesi fik dritat e shtëpisë.

Gjesti ka kaluar më shumë se 130 ditë në izolim, duke përfshirë edhe qëndrimin e tij në Big Brother VIP Kosova përpara se të bëhej pjesë e BBVA 4.