Month: March 2025

Gjesti ka folur mbi rrugëtimin e tij në “Big Brother VIP Albania” dhe atë në “Big Brother Vip Kosova”.

Teksa po diskutonin për eksperiencat e tij në reality show, Rozana e provokoi duke e pyetur se përse nuk e fitoi Big Brother VIP Kosova. Përgjigjja e tij ishte e papritur: “Ka qenë hile”.

Duke vënë re tensionin e krijuar nga deklarata e tij, ai shtoi më tej për të zbutur situatën: “Ju mendoni se ka qenë hile, kur të dalim jashtë të tregoj, mos më detyro të flas”.

Kujtojmë se Gjesti e nisi rrugëtimin e tij në tetor të vitit të kaluar si konkurrent në Big Brother VIP Kosova, e ndërsa tani ndodhet në “BBVA”.

Teksa ishin duke qëndruar në shtrat Jozi dhe Loredana kanë shkëmbyet puthje pasionante me njëri tjetrin.

Rikujtojmë se teksa po qëndronin me njëri tjetrin Loredana i ka kërkuar falje Jozit.

“Të kërkoj falje për keqinterpretimet, më vjen keq që hoqa unazën.

Më vjen mirë për sjelljen që pate me mamin tim atë ditë prandaj edhe të kërkoj falje.”

Një debat i fortë ka shpërthyer mes Rozana Radit dhe Gjesti në shtëpinë e Big Brother VIP Albania. Dyshja, tashmë të pozicionuar si rivalë, nuk kanë kursyer akuzat ndaj njëri-tjetrit.

Gjesti i është drejtuar Rozanës duke i thënë se do të nxjerrë informacione nga jashtë, duke aluduar për një situatë nga e kaluara e saj. Ai pretendoi se në një format tjetër televiziv, Rozana është përfshirë në përleshje fizike me gra të tjera për shkak të një të dashuri.

“A do informacione nga jashtë? Ti je kapur për flokësh me femra për të dashur. Të gjithë e kanë parë,” u shpreh ai, duke e sfiduar publikisht.

Rozana, e habitur nga këto akuza, kërkoi sqarime duke pyetur vazhdimisht: “Cili format?”. Megjithatë, Gjesti vijoi sulmet, duke e kritikuar për qëndrimin e saj ndaj grave në shtëpi.

“Çka ke bërë e di e gjithë bota, dhe ti vjen këtu e jep shembull për femrat? Edhe flet për Eglin, e gjykon Eglin. Ti nuk ke dhënë shembull të mirë,” shtoi ai, duke e akuzuar për hipokrizi.

Ky debat tensionoi sërish marrëdhënien mes tyre, duke e përshkallëzuar edhe më tej rivalitetin e tyre në shtëpinë e BBVA.

Dyshja e njohur e Big Brother Vip Albania 4, Egli Tako dhe Besart Kelemendi i njohur si Gjesti, kanë pasur shumë ulje e ngritje në raportin e tyre gjatë kohës në shtëpi.

Megjithatë, së fundmi ata janë shfaqur më të qetë, duke kaluar momente më relaksuese.

Një moment qesharak ka ndodhur në shtëpi, kur Gjesti i ka kërkuar Egli Tako një shuplakë.

“Veç një shuplak, pash krejt a, hajt – pa ma hi shuplak, nuk ta qeli derën. Unë e ngrija kryt, qeshtu bona si fëmija, veç ni herë mshoma tani kishe unë bohna nervoz e ta ngjiti qeshtu,” i thotë ai Egli Tako, e cila duke qeshur i thotë:

“Më ler të qetë, dua të dal,” duke kërkuar që t’i hapet dera.

Në fund, Egli i jep një “shuplakë”, por puthja që pritej pas kësaj nuk ndodhi.

Mëngjesi në shtëpinë e Big Brother VIP Albania ka nisur me një debat të ashpër mes Gjestit dhe Laert Vasilit. Këngëtari nga Peja e ka akuzuar aktorin për një puthje që shkëmbyen për lojë, duke shprehur dyshime se Laerti u përpoq ta zgjaste atë qëllimisht.

“Pse ke dashur ta zgjasësh puthjen me mbretin? Duhet studiuar kjo gjë. Jam në dyshime të mëdha,” i tha Gjesti – Laertit.

Nga ana tjetër, Laerti e kundërshtoi me një koment ironik: “O zog i vockël ti.”

Debati u tensionua më tej kur Gjesti e quajti Laertin “pervers”, duke thelluar më tej përplasjet e tyre. Kjo nuk është hera e parë që dy banorët përfshihen në diskutime të ashpra, pasi ata shpesh nuk bien dakord për shumë gjëra brenda shtëpisë.

Pas spektaklit të fundit të Big Brother VIP Albania, Ledion Liço është vënë në qendër të kritikave për një batutë të bërë ndaj Rizartës.

Moderatori, i njohur për stilin e tij të drejtpërdrejtë dhe humorin shpesh të papritur, këtë herë duket se ka kaluar cakun sipas ndjekësve.

Komentet në rrjetet sociale, veçanërisht në postimin e fundit të faqes zyrtare të Big Brother VIP Albania në Instagram, janë mbushur me reagime të ashpra ndaj tij.

“Batuta për Rizartën ishte shumë e shpifur. Po të ishe ti babai i saj, do të të pëlqente?” – shkruan një përdorues, ndërsa një tjetër e akuzon Ledionin se po përpiqet të krijojë momente virale, por po i tepron me komentet e tij:

“Nga mania për t’u bërë sa më shumë meme, idjotlliqe po nxjerr nga goja!”

Ndërkohë, disa ndjekës e kanë quajtur qëndrimin e tij arrogant dhe të papërshtatshëm për një moderator të një spektakli kaq të ndjekur.

Deri më tani, Ledioni nuk ka reaguar mbi polemikat, por debati në rrjet duket se nuk po shuhet.

Fotoja ku Rozana Radi pozonte me Laertin dhe nënën e tij, para shumë vitesh, bashkë me priftin e njohur që u fut në Big Brother gjatë lojës së ‘mos reagimeve’, menjehere u interpretua si shenje e faktit se miqësia mes dy aktorëve është jo vetëm e konsoliduar, por edhe shumë e hershme.

Fotoja ‘rrëzon’ debatet gjoja të ashpra mes dy banorëve të shtëpisë, aq sa publiku mendon se janë vetëm një shfaqje për t’u treguar të tjerëve që aktorët nuk kanë lidhje me njëri-tjetrin.

Madje shpesh herë ata kanë thënë që ‘ne nuk jemi miq’, apo ‘vetëm dy herë kemi pirë kafe’.

Lidhur me këtë ka reaguar edhe ish-banori Xumi, i cili shkruan në një postim mbi foto, se ka folur shpesh mbi këtë fakt kur ishte pjesë e shtëpisë:

“Kur unë thoja jeni ‘pallat pa shkallë’, s’më dëgjonte njeri…2 herë kemi pirë kafe, njëra thotë ‘s’kam shtëpi’, tjetri thotë do më marrë banka shtëpinë. Populli nuk ha më bar, nuk manipulojmë dot, as të gënjejmë. Gjithsesi, sagapao”, përfundon Xumi i indinjuar.

Gjesti vazhdon të jetë energjik dhe plot humor në shtëpinë e Big Brother VIP Albania. Në orët e para të mëngjesit, këngëtari nga Kosova bëri një shaka me Egli Takon, duke iu ulur në gjunjë për t’i “propozuar” martesë në prani të Danja Kokës.

“A pranon Egli Tako të bëhesh gruaja ime në të mirë e në të keq? Të duhemi edhe pa para, Ferrarin ta blej nëse mbesin. Po dua të propozoj martesë, martesë shoqërore,” u shpreh ai me humor.

Egli u largua duke i kthyer me shaka: “Kur të dalim jashtë, më propozo për martesë.”

Pavarësisht këtij momenti argëtues, raporti i tyre mbetet miqësor, ndërsa mbetet për t’u parë nëse do të ketë zhvillime mes tyre jashtë shtëpisë.

Valbona Mhilli, në një intervistë për “Shqipëria Live” një ditë pas eliminimit nga shtëpia e “Big Brother VIP”, pohoi se ka pasur ndenja për Laert Vasilin.

“Ka qenë Laerti i pari që ka bërë hapat dhe më pas e gjithë gjëja rrodhi dhe u gjendëm përballë njëri-tjetrit. Më pas, vazhdoi si lojë. Por, avancoi, shkoi përtej lojës”, tha moderatorja.

Sipas saj, Laerti i ka kërkuar të shkëmbenin puthje në një pjesë të shtëpisë, me pretendimin se nuk e kapnin kamerat, pavarësisht se çdo cep i BBV është i monitoruar 24 në 24.

“Nuk kam gënjyer në asnjë moment në shtëpinë e ‘Big Brother’. Më ka ftuar që të më puthte në një hapësirë, që besonte se nuk ka kamera. I thashë jo. Unë kam pasur ndjenja të sinqerta për Laertin dhe shumë të pastra.

Duke e ditur ai këtë gjë, ka luajtur. Nuk mund të them që kam qenë marrëzisht e dashuruar, ishte një tërheqje, ishte një tërheqje që kishte nisur mes nesh. Prandaj them që zhgënjimi më i madh në BBV për mua ishte Laert Vasili”.

Pavarësisht se patën një darkë sqaruese, Egli Tako nuk e ka lënë me kaq përballjen me Gjestin pas spektaklit të së martës në Big Brother VIP Albania.

Në një diskutim të tensionuar, Egli i kërkoi llogari për veprimet e tij, duke e akuzuar se e ka turpëruar para gjithë Shqipërisë për shkak të gjërave që ajo pa gjatë kohës që ishte jashtë shtëpisë për nëntë ditë.

“Pse ke bërë budallallëqet e tjera? Si kam merituar të më marrësh fytyrën para një Shqipërie të tërë? Pikërisht mua që nuk të jam prerë kurrë në besë,” tha ajo me tone të larta.

Gjesti, nga ana tjetër, u mundua ta qetësonte, duke e thirrur me përkëdheli dhe duke i premtuar se gjithçka do të sqarohet kur të dalin jashtë.

Pjesë nga biseda e tyre:

Egli: “Pse ke bërë budallallëqet e tjera. Si kam merituar të bësh. Pse ke dashur të më marrësh fytyrën para një Shqipërie të tërë. Pikërisht mua që nuk të jam prerë kurrë në besë. Ma ke marrë fytyrën o Gjest”, i tha ajo.

Gjesti: “Po pse moj zemër”, vazhdoi këngëtari pejan duke e përsëritur këtë gjë.

Egli: “Se më pas thoje nuk e dua këtë gocë. E kupton ku je. Nuk do të doje të ta bënte dikush. Kur e ke parë që ndoshta unë kisha filluar ta përjetoj këtë gjënë ndryshe. Unë nuk jam për aventura”.