Month: March 2025

Pas rikthimit të Egli Takos në shtëpinë e Big Brother VIP, një nga pyetjet kryesore ishte si do të zhvillohej dinamika mes saj dhe Gjestit.

Egli e ka bërë të qartë qëllimin e saj: të qëndrojë larg tij dhe të fokusohet tek vetja dhe familja.

Megjithatë, Gjesti nuk ka mbetur pa reaguar ndaj kësaj distance të krijuar.

Teksa bisedonte me disa nga banorët në oborr, ai e thumbon Eglin me një deklaratë të fortë:

“Një femër mua, kur unë vetë femrën e kam mësuar si të luaj, nuk mundet ajo të më mësojë mua. Natën e mirë!”

Ky koment u pa si një provokim i drejtpërdrejtë për Eglin, duke sugjeruar se ai e sheh veten si dominues në marrëdhënien e tyre brenda lojës.

Egli Tako vërehet dukshëm se ka ndërruar lojën me rifutjen në shtëpinë më të famshme në Shqipëri.

Ajo po mban një distancë nga Gjesti e po ashtu edhe nga këngëtarja Rozana Radi, me të cilët kishte raporte më të mira.

Derisa në shtëpi u zhvilluan biseda të ndryshme, banorja kërkoi vetëm një gjë nga këngëtari pejan.

“Nuk kam ardhur këtu të të sulmoj as asgjë, bëhu burrë dhe mbaj përgjegjësitë e tua vetëm kaq dua të të them”, iu drejtua Egli.

Artisti nga Kosova iu kundërpërgjigj: “A s’paskam qenë burrë a”.

Gjesti më pas u largua nga oborri dhe hyri brenda, derisa e ka lënë Eglin jashtë.

Duket se raporti i tyre u tensionua me rikthimin në shtëpi, pasi konkurrentja ka ndryshuar lojë e qasje.

Pas rënies së ndjekësve në rrjetet sociale, familjarët e Eglit kanë reaguar me një mesazh në llogarinë e saj personale të Imstagram-it, duke theksuar se mbështetja e vërtetë nuk matet me shifra.

Ata sqaruan se vendimi i saj për të vazhduar rrugëtimin nuk ishte për vëmendje apo për ndjekësit, por për veten e saj.

“A do ta ketë të vështirë? Patjetër. A do t’ia dalë? Patjetër,” shkruhet në reagim, ndërsa familjarët shprehën besimin dhe mbështetjen e tyre të palëkundur për të.

Mbrëmjen e kaluar ka ndodhur edhe ballafaqimi i shumëpritur mes Eglit dhe Gjestit pas rikthimit të këngëtares në shtëpinë e BBVA.

Ndër të tjera, Egli i ka ritheksuar atij dashurinë e saj për të, por duke shtuar se kësaj herë do vendosë dinjitetin e saj të parin.

Një temë kyçe gjatë diskutimit të tyre ka qenë dhe Rozana, për të cilën Egli i është drejtuar Gjestit me këto fjalë:

“Ti me Rozanën ke një lojë që atë nuk e lëshon dot, sepse ti prap nesër, në orën 12, vjen ajo të kërkon falje dhe ti e fal përsëri…”

Gjesti ndërkohë e ka mohuar këtë duke u shprehur se “njerëzit po munden pa nanë e pa babë e jo ma pa Rozanën…”

Egli i surprizoi të gjithë me vendimin e saj për tu rikthyer dhe e bëri të qartë se këtë herë do futej për të vendosur emrin e saj në vend.

Menjëherë pas rifutjes së saj, ajo i ka mbajtur qëndrim Gjestit duke qëndruar e ftohtë dhe e përmbajtur para tij.

Megjithatë, nuk ka mundur të qëndrojë shumë pa i shprehur atë se çfarë ndjen Gjestit.

Në një diskutim gjatë mbrëmjes së kaluar, Egli i është drejtuar Gjestit me këto fjalë:

“Unë vazhdoj të të dua, por kësaj here kam vendosur të vë emrin tim të parin. Kam bërë gabimet e mija, por edhe ti ke bërë të tuat duke më bërë të mendoj ndryshe me veprimet e tua e ndryshe me sjelljet e tua…”

Banori i Big Brother VIP Albania, Gjesti, vazhdon ta kthejë situatën me Egli Takon në humor dhe batuta. Së fundmi, ai është parë në kuzhinë duke pastruar, ndërsa i këndonte disa vargje për banoren.

Gjesti shprehu habinë sesi Egli e kishte “harruar” për vetëm nëntë ditë, pavarësisht fjalëve të dashurisë që i kishte thënë më parë. “S’paska qenë dashuri, po paska qenë fiksim”, tha ai në mënyrë ironike, duke e quajtur këtë situatë një “eskalim”.

“O s’kam lënë vend pa të përmend po qysh ke dal prej zemrës tem, o Egli im pse s’po flet për mua qysh për nëntë ditë dashuria qenka shkuar. Qysh për nëntë ditë më ke harruar, a më ke thënë që shumë të dua. S’paska qenë dashuri po paska qenë fiksim, ah zemra jem ke bërë eskalim”, u shpreh ai.

Nga ana tjetër, Egli ka ndryshuar tërësisht qasje ndaj Gjestit dhe disa banorëve të tjerë pas rikthimit të saj në shtëpi, çka ka sjellë dinamika të reja në raportet mes tyre.

Egli Tako u rikthye mbrëmë në shtëpinë e “Big Brother VIP Albania” pas një votimi publik që i dha një shans të dytë për të luftuar për çmimin e madh dhe për të rikthyer dinjitetin e saj.

Megjithatë, rikthimi i saj nuk është pritur mirë nga të gjithë.

Brenda vetëm 12 orësh pas hyrjes së saj, këngëtarja ka humbur rreth 10,000 ndjekës në Instagram, duke rënë nga 353,000 në 343,000.

Rikthimi i Egli Takos në shtëpinë e Big Brother VIP Albania nuk ka kaluar pa tensione, sidomos në marrëdhënien e saj me Rozana Radin. Pas hyrjes së dytë, dy banoret vijuan përplasjen edhe jashtë në oborr, ku debati mori tone të forta.

Gjithçka nisi kur Rozana i kujtoi Eglit lidhjen e saj me Gjestin, duke thënë se romanca mes tyre kishte filluar që në momentet e para, me Eglin që i qëndronte pas. Situata u ndez edhe më shumë kur Rozana i tha:

“Qenke mbushur shumë, çfarë ke parë jashtë?”

Egli e pranoi se kishte dalë e mbushur, ndërsa Rozana këmbënguli se ndryshimi i saj nuk kishte lidhje me të:

“Po nuk ke ikur e mbushur prej meje, se unë nuk të kam bërë të keqen.”

Ndërsa debati sa vinte e ashpërsohej, Rozana insinuoi se qëllimi i rikthimit të Eglit ishte pikërisht përballja me të:

“Ti qenke kthyer për mua. Paskë parë Big-un shumë mirë dhe paske ardhur për Rozin. Hajde për veten tënde! Tani je bërë Egli që kam dashur që në fillim.”

Përplasja mes tyre vazhdoi me tone të larta, duke treguar se tensionet nuk janë zbutur aspak, pavarësisht largimit dhe rikthimit të Eglit në shtëpi. Situata mbetet e ndezur, dhe pritet të shohim nëse kjo përballje do të sjellë një krisje të mëtejshme apo një qartësim mes dy banoreve.

Rozana dhe Gjesti biseduan mbi qëndrimin e tyre dhe sa gjatë mund të vazhdojnë aty.

Gjatë bisedës, Rozana ngriti një pyetje: “A ka mundësi të sjellin Eglin sot?”.

Gjesti u përgjigj shkurt: “S’e di”. Megjithatë, ai shtoi se nëse Egli do të futej në shtëpi, do të prishte sfidën e mosreagimeve.

“Jo, nëse e sjellin, e prish, menjëherë. S’ma ndien, le të ulet çmimi e krejt. Jo, s’më intereson kjo punë. Menjëherë e prish, i flas, muhabet, llaf sa të mundem”.

Rozana e pyeti: “Të ka marrë malli?”

“Po, qysh jo. E mendoj”, pranoi Gjesti, duke treguar kështu se ia ka ndjerë mungesën në shtëpi.

Ish-fituesja e Big Brother VIP Albania, Egla Ceno, ka ndarë me ndjekësit e saj një reflektim mbi rikthimin në shtëpinë më të famshme në Shqipëri, këtë herë si një mysafire.

Në një postim në rrjetet sociale, ajo përshkroi emocionet që përjetoi gjatë vizitës, duke theksuar energjinë e fortë që ndjeu nga banorët.

Aktorja tregoi gjithashtu për një moment të veçantë gjatë vizitës së saj: “Ndjeva super energji nga një përqafim… që shpresoj mos të ketë kushtuar 10 mijë euro,” duke ironizuar në lidhje me rregullat e dënimeve brenda shtëpisë. Ajo përmendi edhe mungesën emocionale të disa banorëve, pavarësisht se fizikisht ishin të pranishëm, si dhe një banore që e ngatërroi për rivale për shkak të reagimeve të saj.

Një tjetër detaj që bëri bujë ishte përmendja e puthjes me Laertin, një nga konkurrentët e BBVA. Egla e sqaroi qartë se nuk do ta kishte bërë një gjë të tillë nëse do të kishte pasur mundësi keqkuptimi. “Laerti është koleg! Publiku është super inteligjent dhe e ka kuptuar, prandaj nuk ka nevojë për sqarime,” u shpreh ajo.

Duke përmbyllur mesazhin e saj, Egla deklaroi se tashmë ka në mendje tre finalistët dhe madje ka zgjedhur edhe fituesin e këtij edicioni, duke nënvizuar se ai është një mashkull. Ky koment ka ngjallur kureshtjen e ndjekësve, të cilët tashmë janë të etur për të zbuluar nëse parashikimi i saj do të realizohet.