I ftuar në emisionin “Pardon My French” ka qenë Vserlo. Ish-banori ka treguar më shumë detaje nga eksperienca e tij dhe rrugëtimi në Big Brother VIP dhe ka sqaruar gjithçka në lidhje me videon porn*ografike që ka qarkulluar gjatë kohës që ai ka qenë në BBV dhe jo vetëm kaq…
A mendon Vserlo se në javën e fundit të qëndrimit banorët nuk i lanë më hapësirën që duhej për debat siç ai e pati në fillim?
Duke qenë se unë hyra shumë fuqishëm në fillim ata u mësuan me atë gjënë sepse ishte e para që iu servir. dhe pastaj këto uljet e mia, mirësinë dhe momentet kur unë isha njerëzor mendoj se e panë dhe e dinin se çfarë mund të prisnin dhe u morën me njëri-tjetrin pastaj. Rashë pak në qetësinë time në javën e fundit.
Unë provokimin, ironinë dhe sarkazmën e kam por është gjithmonë në varësi të çfarë personat që unë kam përballë nxjerrin nga unë.
Më pas Lei e pyeti Vserlon se cilin prej banorëve brenda në shtëpi nuk e duronte fare dhe realisht e acaronte, ai u përgjigj duke thënë se:
Mund të them të gjithë nga pak në situata të ndryshme. Gjesti. Do ta them publikisht që unë nuk i duroj dot kalamajtë, nuk jam pro fëmijëve si njeri t’i kem afër. Ndoshta do të vijë një periudhë në jetën time që unë do të dua të kem dhe vetë një fëmijë por momentalisht fëmijët janë gjëja që mua më acarojnë më shumë pas injorantëve në këtë jetë. Gjesti i ka më shumë sesa vetëm këto të dyja, por të paktën këto të dyja që mua më acarojnë më së shumti ai i personifikon më së miri.
Ndërsa për personin që e konsideroi më të afërt dhe që e vlërësoi më shumë?
Ka qenë Laerti, por edhe Danja patjetër edhe pse ka një këndvështrim tjetër të jetës si një Virgjëreshë që është. Unë Danjën e kam shumë përzemër në fakt.