Aisheja po rikthehet në shtëpi pas një dite të lodhshme pune, kur shikon Feritin duke përqafuar një femër të panjohur dhe në mënyrë të pakontrollueshme bëhet xheloze, gjë që Feriti e kupton dhe e pëlqen por megjithatë ia shpjegon se kush është ajo.
Sakaq, në anën tjetër ndodhet një tjetër dyshe që nuk e pranon dashurinë që ka për tjetrin. Ato janë Nana dhe Jamani, ku ky i fundit e dëgjon Nanën tek e përshkruan atë në mënyrën më perfekte, teksa ia shpjegon mysafires se si është ai.
Brenda asaj dite, harmonia mes tyre do ndërpritet nga një debat, ku Nana i kërkon Jamanit të mos shkojë në takimin me armiqtë e tij sepse mund të jetë një kurth ndërsa Jamani ia ndërpret të folurën duke i kujtuar se ajo është thjesht një dado.
Megjithatë, Nana nuk qëndron duarkryq. Në mënyrë shokuese për Jamanin, ajo i vihet nga pas, me armë në dorë. Sup më sup, ato luftojnë kundër armiqve të Jamanit, duke e lënë këtë të fundit ende të shokuar.
