Telenovela News

Feriti shkon në shtëpinë e Pelinit për të kërkuar llogari mbi afrimitetin e saj me Serkanin, për të ditur konkretisht nëse ka ndodhur diçka fizikisht mes tyre. Teksa Pelini refuzon t’i përgjigjet, Serkani troket në derë.

Gjërat përkeqësohen mes djemve por Pelini ndërhyn në kohë dhe arrin t’a largojë Feritin që aty, pa ndodhur gjë mes tyre. Sapo kthehet në shtëpi, Feriti thërret në dhomë Sulltanën për t’i dhënë një urdhër të ri.

Ai i kërkon që t’i tregojë çdo sekret që merr vesh për çdo person në atë shtëpi dhe me pak presion të ushtruar tek ajo, Feriti mëson planin e Ifakatit, që t’ia bëjë Sunën Fuatit, duke menduar se ajo mund t’i sjellë pasardhës familjes.

Si të mos mjaftonte xhindosja që i shkakton Sulltana, në dhomë vjen Sejrani, e cila i tregon se babai saj ia ka dhënë lejen për punën me Defnen dhe Efenë. Pavarësisht kundërshtimeve të ashpra të Feritit, Sejrani nuk heq dorë.

Suzana shikon viden që Akifi i dërgon dhe pas një kohe të gjatë pritjeje për Akifin, ajo e pëlqen videon, gjë që Akifin e lumturon aq shumë saqë të gjithë e vërejnë ndryshimin në sjelljen e tij.

Personi që arrin të përfitojë nga humori tij i mirë, është Shengyli. Që të pajtohet me Orhanin, ajo mendon t’i paguajë këstin e rradhës në kredi dhe për këtë kërkon avancë nga Akifi, i cili dhe ia jep.

Ndërkohë, fëmijët e tyre në shkollë vazhdojnë me ngacmimet e përhershme. Djali i Akifit, Doruku, vendos që t’a bëjë Asijen maksimalisht xheloze dhe me pak përpjekje, ia del.

Që aty, fëmijët shkojnë të luajnë bowling, me nënën e Berkut në krye, ndërkohë që nëna Harikës, Suzana, pranon të darkojë me Akifin, i cili ngulmon aq shumë saqë nuk i lë rrugë tjetër asaj.

Akifi qëndron para telefonit për orë të tëra duke pritur përgjigjen e Suzanës për videon e tij, derisa e zë dhe gjumi. Përgjigjia, pëlqimi i videos vjen shumë vonë por sjell mjaftueshëm lumturi për të.

Ajo lumturi vazhdon edhe të nesërmen që ai e fillon me përgjërime për të darkuar me të, derisa ajo pranon. Lumturinë e madhe që ai fiton, do e shfrytëzojë Shengyli.

Për t’i rifituar zemrën Orhanit tanimë që i ka ardhur memoria, Shengyli kërkon avancë të rrogës, që t’i heqë një stres Orhanit duke i paguar këstin mujor të kredisë. Për fat, Akifi pranon dhe ia jep.

Ndërkohë, fëmijët e tyre ndodhen në shkollë, me në krye nënën e Berkut, e cila nuk i lë të vetëm as kur shkojnë për të luajtur bowling me skuadra. Aty, Tollga tenton t’a ngacmojë Omerin por truprojat me të cilët Omeri punon, i dalin menjëherë në krah.

Kumru vrapon pas Kemalit për t’i kërkuar falje por sado që ajo shpjegohet dhe betohet në qëllimin e pastër që gjoja kishte, Kemali sërish nuk flet asnjë fjalë. Ai largohet, ndërsa Kumru merr rrobat e Narinit për të shkuar në drekim.

Nëna saj përpiqet pafund për t’a ndaluar vajtjen e Kumrusë në atë drekim por nuk ia del dot. Ajo që Kumru nuk di, është që Narini po përgatitet për të shkuar në një drekim vetëm për vetëm me Kemalin, i cili e ka anulluar pjesëmarrjen e tij në drekimin ku është Kumru.

Për fat, drekimi Kemalit me Narinin realizohet me sukses, ashtu siç dhe ishte planifikuar. Sakaq, në anën tjetër ndodhet Songyli, e cila fut në kurthin e saj Hikmetin, kokë e këmbë. Ai beson se ajo është një e pafajshme që po përballet me akuza të pabaza.

Teksa ajo fiton ende më shumë zemrën e Hikmetit, Ferideja përpiqet t’i qëndrojë larg Emirit por nuk ia del. Ai i kërkon të punojë diçka në kompjuter për të dhe afrimi fizik e bën të ndikohet ende më shumë nga ai.

Ferideja tenton disa herë t’a rikthejë fotografinë e Emirit në dhomën e tij pa e parë njeri por nuk ia del dot. Sa më shumë që përpiqet t’i largohet, ai aq më tepër i afrohet, pa e kuptuar as ai vetë. Së fundmi, ai i kërkon ndihmë në kompjuter.

Ferideja pranon por ai afrimitet fizik e bën që të shpërqëndrohet derisa e nevrikos Emirin duke rrëzuar aksidentalisht një gotë të mbushur. Ndërkohë, Songyli po fut në kurth Hikmetin, e ndikuar nga pasuria tij aq e madhe.

Ajo e bën të mendojë e besojë se ajo është e pafajshme kundrejt akuzave që ka gjetur një person tjetër menjëherë pas vdekjes së bashkëshortit. Sakaq, në anën tjetër ndodhet Kumru që pavarësisht nënës që i përgjërohet, shkon në drekim.

Ajo që Kumru nuk di, është që Kemali e ka anulluar pjesëmarrjen e tij në drekim dhe ka organizuar një tjetër drekim, vetëm për vetëm me Narinin, ku të dy do shkrijnë çdo akull mes tyre.

Aisheja vendos të flasë çdo gjë me Korajin, duke e ndjerë si personin më të afërt. Feriti që i shikon, u shkon pranë dhe e ngacmon Korajin si përherë, me fjalë ofenduese.

Vetëm pak çaste më vonë, Aisheja e dëgjon fshehurazi Feritin tek flet me veten e tij në zyrë, duke thënë se ishte i detyruar të vepronte ashtu. E mbushur me shpresë, ajo e pyet për më tepër por Feriti i qëndron besnik misionit policor.

Për t’a vazhduar atë mision, ai rithotë të njëjtën gënjeshtër, gjoja se nuk është i gatshëm të deklarojë një lidhje me të dhe kështu, Aisheja largohet e dërrmuar. Sakaq, në anën tjetër ndodhet Jamani që rrëmben Nanën për t’u martuar.

Pas shumë përpjekjesh, ajo pranon të martohet me të por ai lajm do e shokojë familjen e tyre. Kubilaji me nënën largohen të zhgënjyer ndërsa Ajnuri aksidentalisht lëndon veten me thikë, nga përhumbja që i jep mërzia.

Jamani nuk heq dorë nga ngulmimi për t’u martuar Nana me të, ndaj dhe e mban peng në shtëpizën në pyll, derisa ajo pranon. Vendimi që ato marrin, do i shokojë të gjithë. Kubilaji largohet i zhgënjyer me nënën e tij, ndërsa Ajnuri pikëllohet.

Nga pikëllimi, ajo aksidentalisht plagos veten me thikë dhe ndonëse me dhembje, ajo sërish betohet se do ia bëjë jetën ferr Nanës, që sipas saj, ia mori Jamanin. Ky i fundit ndërkohë, nuk i jep shpjegim askujt, as hallës së tij.

Mirëpo, halla kupton që Nana nuk ka aspak faj, kur dëgjon përtej derës rregullat që ajo i vendos Jamanit për të mbajtur distancë, edhe pse të martuar. Sakaq, në anën tjetër ndodhet Aisheja, që dëgjon rastësisht Feritin duke folur me vete.

Ajo kupton se Feriti është detyruar nga diçka tjetër për t’a larguar atë nga vetja, ndaj dhe e pyet se çfarë po ndodh. Por, për shkak të atij misioni policor, Feriti sërish e largon atë nga vetja dhe kështu i thyen zemrën.

Hatixheja e lejon Sejranin të kthehet në shtëpi me Feritin dhe për vete shkon pranë Halisit, pa e menduar fare Kazimin. Ajo, me krenari i tregon bylyzykun që mban në dorë, të dhuruar nga ai vetë. Për më tepër, qëndron aty gjithë natën.

Ndërkohë Sejrani me Feritin, të shoqëruar nga pjesa tjetër e familjes, dalin nga spitali bashkarisht, gjë që Pelini e shikon nga makina dhe qan me dënesë, se si Feriti nuk u intersua aspak për të.

Sakaq, Feriti dhe Sejrani mbërrijnë në shtëpi. Feriti kërkon të dijë se si shkoi ajo deri në aeroport por për shkak se përgjigjia do tregojë Jusufin, ajo zgjedh të mos flasë, derisa Feriti ngulmon aq sa ajo flet dhe tregon.

Fillimisht e ka të vështirë t’a besojë dhe njëkohësisht nevrikoset por më pas e kupton Sejranin dhe pajtohen. Mëngjesin e të nesërmes, Kazimi ballafaqohet me hallën e tij por nuk guxon t’a kritikojë për asgjë sepse ajo nuk e lejon.

Gjithë situatat e krijuara rreth e rrotull Narinit, bëjnë që ajo të bindet se nuk mund të jetë dot as bashkëshorte për Emirin dhe as nënë për Masallin, ndaj dhe heq dorë nga martesa. Sado që përpiqet, Kemalli nuk e bind dot.

E gjithë nata kalon me lot për të tërë, përveç Kumrusë. Sakaq, po atë natë, në anën tjetër, Oja tenton të heqë nga puna Feridenë por nuk e lejon Feriti, gjë që e bind Ojën se diçka po lind mes tyre ndaj dhe e paralajmëron Feridenë.

Oja i betohet se do i ketë gjithmonë sytë mbi të, ndaj le të bëjë kujdes. Por, mëngjesin tjetër, Ojës do i duket sikur gjërat po i shkojnë kundër. Fillimisht, e gjithë familja vëren se si djali i Emirit pushon vetëm në krahët e Feridesë.

Më pas, duke marrë shkas nga ajo që shikon Hikmeti me sytë e tij, ai vendos që nga ai moment e tutje, Ferideja të ulet në të njëjtën sofër me to dhe gjithashtu, le të vendosin bashkarisht një emër për djalin e Emirit.

Aishe i paraqitet Feritit si shumë e pashpirt lidhur me largimin e tij prej gjashtë muajsh. Por Feriti nuk e beson atë sjellje dhe ngulmon tek ajo. Ndërkohë, Neshe po lëndohet nga Vollkani që e shikon duke dalë me Bashakun nga shtëpia.

Ajo e lëshon veten në mërzi, aq sa rrëfimin e saj para Aishes do e dëgjojë edhe Dodoja. Të nesërmen, kur Vollkani mëson nga Dodo se përse po i shmanget Neshe, ai e merr këtë të fundit për dore dhe del para Bashakut me furi.

Vollkani poshtëron Bashakun dhe ngre Neshenë duke treguar se janë vetëm shokë por ajo sakrifikoi për hir të tij. Sakaq, në anën tjetër ndodhet Akça, e cila keqkupton një bisedë që dëgjon nga Nana dhe pandeh se ajo ka pëlqim për Kubilajin.

Si të mos mjaftonte fjala që ajo përhap gabim, Ajnuri përdor telefonin e Nanës për t’i dërguar mesazh Kubilajit, ku i shkruan se e ka të vështirë t’i shprehë ndjenjat por thellë brenda vetes ka pëlqim për të.