Gent Bejko shpërthen ndaj Laert Vasilit: “Çdo fjalë që u tha për të është…”

Aktori Gent Bejko ka reaguar ashpër pas debatit të fortë mes Gert Ferrës dhe Laert Vasili në “Big Brother VIP”. Në një postim në rrjetet sociale, ai ka mbështetur deklaratat e Ferrës, duke e quajtur Vasilin “pseudopatriot” dhe duke bërë disa akuza të forta ndaj tij.

“Ato që po i thotë Gert Ferra këtij Laertit janë të gjitha të vërteta. Edhe pse e kanë zbuar nga Greqia, edhe pse ka ngrënë dru edhe atë tentativën për heqje nga puna. Që ta dini ju çfarë rruspie është ky pseudopatrioti. Edhe le të më kundërshtoj mua ky “bythka” që na kafshonte balerinët te Dance with Me, po të dojë. Kaq kisha,” shkroi Bejko.

Ai paralajmëroi se do të bllokojë komentet për të shmangur përplasjet mes ndjekësve.

“Komentet po i bëj block se nuk dua as të ziheni e as të shaheni te muri im. Për më tepër, komente karshi meje mund të bëjnë ata/ato që më njohin, jo ata që kujtojnë se më njohin. Muri im, rregullat e mia. Ju faleminderit për mirëkuptimin,” përfundoi ai.

Sherr i ashpër me Gertën, Egli shpërthen në lot: Kam parë ferrin me sy…

Egli Tako ka shpërthyer në lot pas një debati të ashpër me Gerta Gixharin. Sipas Eglit, Gerta i ka përmendur periudhën e saj të depresionit, çka ka shkaktuar reagimin e fortë të saj.

Egli është parë duke qarë me dënesë në prani të Rozana Radit, teksa i thotë: “Kam parë ferrin, kam parë vdekjen me sy prej kësaj gjëje, s’mund ta sjell këtu.”

Pas kësaj, edhe Rozana ka shpërthyer në lot dhe i ka kërkuar të ndalojë: “Boll më, të lutem.”

Në nominim janë Egli dhe Xumi, si pasojë e vendimit të fundit të kësaj të fundit. Sonte pritet të shihet se cili prej tyre do ta lërë shtëpinë përfundimisht.

Klajdi i habit te gjithe: “Edhe une jam i dashuruar me Eglin, por…

Mbrëmë në shtëpinë e “Big Brother VIP 4” mbërriti një zarf i papritur, i cili sjell një njoftim për banorët: do të mbahej një konferencë për shtyp për dy të nominuarit e kësaj jave, Xumin dhe Eglin. Zarfi u hap nga Aldo dhe i dha mundësinë dyshes së nominuar të përgjigjej pyetjeve të shumta të banorëve të tjerë.

Përgjigjet ishin të shumta, por ajo që ka tërhequr vëmendjen më shumë ka qenë një deklaratë e Klajdit. Ai tha se pavarësisht që Xumi kishte fituar simpatinë e tij, ishte e pamundur të mos binte në dashuri me një femër kaq të bukur dhe me personalitet kaq të jashtëzakonshëm si Egli.

“Duke marrë parasysh se e fitove pëlqimin e pjesës më të madhe të banorëve, të përgëzoj për këtë. Por siç jam i vërtetë, i drejtë dhe i sinqertë, do t’i ngelem deri në fund një mundësie për shokun tim Xumin. Edhe pse ma more zemrën me atë që the, por paralelisht edhe Xumi me shoqatën që ka për bamirësi”, tha Klajdi.

Por jo vetëm kaq, pasi ai ka deklaruar se ishte e pamundur të mos biesh në dashuri me një femër kaq të bukur dhe me super personalitet si Egli.

‘Çdokush nga ne këtu i mjaftonte një fije shumë e hollë për t’u dashuruar me ty, për të mos thënë që do isha unë i radhës. Fati i Xumit që ishte i pari që e shprehu këtë gjënë dhe unë hapa krahun për atë ndjesinë që ti më dhe”, tha ai.

Njëri prej tyre largohet sonte, Egli bën deklaratën premtuese dhe të papritur për Xumin

Pas hapjes së kutisë së Pandorës, Egli vendosi të dërgojë veten dhe Xumin në nominim kokë më kokë, një veprim që ka shkaktuar shumë polemika brenda dhe jashtë shtëpisë.

Por, ajo që ka bërë bujë është deklarata e saj se, nëse fiton çmimin e madh, 60% të shumës do t’ia japë Xumit.

Ky gjest vjen si një shenjë solidariteti, pasi Xumi po përballet me një situatë tejet të vështirë personale – mamaja e tij vuan nga kanceri në stadin e katërt, dhe paratë janë të domosdoshme për trajtimin e saj.

Të dy konkurrentët tani janë në nominim, dhe rezultati i votimit pritet me padurim, pasi tensionet janë në maksimum.