Telenovela News

Emiri nuk i afrohet assesi fëmijës së tij. Sa herë që e shikon apo e dëgjon, atij i kujtohet vetëm vdekja e Emirit dhe pavarësisht përpjekjeve të Hikmetit dhe Ojës, ai nuk pranon as t’a prekë me dorë.

Si të mos mjaftonte, Emiri e mbyll me çelës dhomën që sëbashku me Rejhanin kishte përgatitur për fëmijën e tyre, duke mos lejuar që atë t’a fusin brenda. Sakaq, në anën tjetër ndodhet Narini.

Ajo mbetet pa fjalë nga vizita e motrës së saj, Kumru, aq sa edhe nuk e fton brenda por zemërgjerësia e Kemalit do e marrë Kumrunë brenda shtëpisë. Ai e fton e më pas i lë vetëm për vetëm motrat.

Gjatë gjithë kohës, Kumru aktron, që të futet në zemrën e Narinit dhe të përfitojnë nga pasuria në të cilën Narini për momentin jeton. Para se të largohet, Kumru fshehurazi merr kartën e Kemalit ku shkruhet numri tij personal.

Kumru arrin të futet brenda në shtëpinë e së motrës, vetëm ndërmjet ftesës së Kemalit, pasi vetë e motra, Narini, nuk e fton dot sepse as që i flet dot, qoftë edhe një fjalë. Pasi futen brenda, Kemali i lë të vetme.

Kumru përpiqet të jetë emocionale duke aktruar me lot të rremë, duke përmendur jetesën e saj të vështirë dhe duke shpresuar që të përfitojë sadopak nga pasuria që gëzon Narini por kjo e fundit nuk flet fare.

Para se t’u largohet nga shtëpia, Kumru merr fshehurazi kartën e punës së Kemalit ku shkruhet numri tij personal. Sakaq, në anën tjetër ndodhet Emiri, që nuk pranon assesi t’a prekë me dorë fëmijën e tij.

Djali i porsalindur i kujton vetëm vdekjen e Rejhanit, ndaj dhe mbyll me çelës edhe dhomën që dikur ka përgatitur bashkë me Rejhanin, që askush të mos futet brenda, as fëmija tij.

Nana futet në zyrën e Jamanit duke qarë e duke kthyer në mendje çdo kujtesë për të, por më vonë zbret pranë të tjerëve, për t’ua ndaluar edhe atyre të besojnë se Jamani ka vdekur. Më kot, të gjithë përveç Nanës e besojnë.

Së paku, ajo i bind se diçka të tillë nuk duhet t’ia thonë Jusufit. Sapo merr të largohet nga shtëpia për të kërkuar Jamanin, asaj i del para Nedimi, i cili e shoqëron deri në vendin e ngjarjes e më pas e lë aty, të vetme.

Nedimi vetë kthehet në kompani, ku feston bashkë me ortakun e tij, Feritin. Ato të dy i dëgjon Feriti duke thënë se tanimë do fillojë çdo gjë nga e para dhe teksa e thonë këtë, ato qeshin me njëri tjetrin, gjë që Feriti e shikon dhe krijon dyshime.

Pasi i merr në pyetje përciptazi, Feriti kthehet në komisariat, ku shikon që Aisheja është rikthyer në punë, vetëm për t’i qëndruar atij afër. Gjatë asaj kohe, Koraji, në anën tjetër, po përdor emrin e Aishes për të kërkuar para borxh.

Feriti është pafund i trishtuar nga mendimi se Jamani mund të ketë humbur jetën dhe ashtu si Nana, edhe ai futet në kujtimet që ka me të. Pranë, Feriti i shkon Aisheja, e cila lë pas dore shëndetin dhe rikthehet në punë për të.

Paralelisht, kundër Aishes po punon Koraji. Ai përdor emrin e saj për të kërkuar një borxh shumë të madh, të cilin e merr. Sakaq, Nana përpiqet t’i bindë familjarët se Jamani nuk ka vdekur por nuk ia del dot.

Ajo, të paktën i bind që Jusufit të mos i tregojnë asgjë dhe pavarësisht se bien dakord, hallë Akça nis përgatitjet për ceremoninë mortore. Ndërkohë, Nedimi ndodhet në kompaninë e Jamanit, në kolltukun e tij duke festuar me ortakun.

Do jetë Feriti ai që do e gjejë Nedimin të ulur në kolltukun e Jamanit, të buzëqeshur dhe duke thënë se tanimë është koha që çdo gjë të fillojë nga e para, ndaj dhe të dy ato, Feriti i shikon si kandidatë për të qenë fajtorët.

Berku kërkon me patjetër një shpjegim nga Ajbyke, për arsyen përse ajo e braktisi aq papritur. Duke mos guxuar dot t’i thotë të vërtetën, Ajbyke i thotë se nuk ka më pëlqim për të.

Fjalët e saj e godasin në zemër si shigjetë dhe si të mos mjaftonte, krijojnë një dyshim tek ai. Vetëm pak orë më vonë, ai e shikon Ajbykenë në telefon duke qeshur, njëherazi me Tollgën në telefon duke qeshur.

Ndonëse ato po shkruajnë m e persona të ndryshëm, Berku mendon se ato po qeshin me njëri tjetrin dhe menjëherë reagon keq, duke shpërthyer e duke i akuzuar të dy, gjë që e ul ende më shumë Berkun.

Pas atij çasti kulminant, Tollga nuk e përmban veten gjithashtu. Mu në mesin e të gjithëve, ai i thotë Xhemilesë se e pëlqen shumë dhe nuk e heq dot nga mendja, sado që mundohet.

Emiri është i vendosur të largohet nga shtëpia por babai tij Hikmeti nuk e toleron dot diçka të tillë. Prandaj, ai telefonon policinë, denoncon Emirin për ndeshjet e paligjshme që bën dhe në këtë formë, ndalon ikjen e tij.

Emiri shoqërohet në komisariat, ku dhe mëson se babai tij e ka denoncuar por pavarësisht kësaj, ai ia del që të lirohet që aty. Sakaq, në anën tjetër ndodhet motra e Narinit, Kumru, dhe nëna e tyre.

Nëna insiston që të largohen dhe për këtë shprehet e vendosur, ndërsa Kumru ngulmon që të qëndrojnë. Brenda vetes, Kumru ushqen shumë xhelozi për Narinin, si për dashurinë që nëna tyre ka për të, si për shtëpinë ku jeton.

Fshehurazi nënës së saj, ajo del nga hoteli ku po qëndrojnë dhe i troket në shtëpi Narinit, të cilën e sikletos duke e quajtur “motër” dhe duke i kërkuar që të futet brenda në shtëpinë e saj.

Motra e Narinit, Kumru, dëshiron shumë që të rikthehen tek Narini, ose së paku të qëndrojnë ende në Stamboll. Për këtë, ajo i lutet nënës së saj por nëna do vetëm t’a lënë të qetë Narinin. Ajo nuk e di se Kumru xhelozin paratë e motrës.

Ndërkohë që Narini qan me dënesë që nëna e ka braktisur që në vogëli, Kumru i troket në derë, duke e quajtur Narinin  “motër” dhe duke e vënë në siklet teksa i kërkon që t’a ftojë brenda.

Sakaq, në anën tjetër ndodhet Emiri, i cili merr të largohet nga shtëpia por në çast, përpara i del një ekip oficerësh policor, të cilët e dërgojnë në komisariat për ndeshjet e paligjshme që ai bën në boks.

Vetëm pasi shkon në komisariat, Emiri mëson se babai tij e ka paditur në mënyrë që t’a ndalonte ikjen e tij por pavarësisht se çfarë bën Hikmeti, Emiri ia del që të lirohet që aty.

Nedimi përgatit një plan të mirëfilltë kundër Jamanit dhe këtë e bën sëbashku me Idrisin. Sipas tyre, ndërmjet kamerës që kanë futur fshehurazi në zyrë, ato do rregjistrojnë shtrëngimin e dorës së Jamanit me një kriminel droge.

Jamani asnjëherë nuk ka pranuar të punojë me të tillë njerëz ndaj dhe Nedimi do t’a godasë aty por Jamani e njeh ortakun që i kanë sjellë dhe e largon që aty duke i drejtuar një armë.

Sapo kthehet në shtëpi, Nedimi i shkon gjoja për t’a pyetur nëse ka nevojë gjë dhe në atë çast, Jamanit i lind dyshimi se armiku tij i ri mund të jetë Nedimi. Ky i fundit, para se të largohet, i rrëfen dashurinë Nanës.

Nana i përgjigjet e frustruar se ku e gjeti ai guximin për diçka të tillë dhe ato fjalë shtojnë aq shumë mllef tek Nedimi saqë atë natë, ai i vendos nga pas Jamanit disa të armatosur. Teksa tenton t’ia mbathë prej tyre, Jamani bie nga një humnerë dhe lajmin e humbjes së tij, e sjell Feriti në shtëpi.

Nedimi me Idrisin janë të bindur se plani tyre për të fotografuar Jamanin duke shtrënguar dorën me një kriminel droge, do realizohet. Për fat, Jamani e njeh si fytyrë ortakun që i kanë sjellë dhe e largon që aty duke i drejtuar armën në kokë.

Që aty, Jamani kthehet në shtëpi, ku do i shkojë edhe Nedimi, gjoja duke u vetëofruar nëse Jamani ka nevojë gjë. Ardhja Nedimit i ngjall dyshime Jamanit, ndaj dhe e largon që aty pa pranuar ndihmë prej tij.

Por para se të largohet, Nedimi guxon t’i shprehë dashurinë Nanës, e cila do i japë një refuzim të menjëhershëm. I nxitur nga përgjigjia saj, Nedimi i vendos Jamanit nga pas disa të armatosur.

Në përpjekje për t’ia mbathur prej tyre, Jamani bie nga një humnerë. Lajmi mbërrin në komisariat dhe Feriti vetë e përcjell atë lajm në shtëpinë e Jamanit por Nana refuzon të besojë se Jamani mund të ketë vdekur.

Rafeti shkon të vizitojë Nalanin me një buqetë me lule në duar por pamja para syve e tmerron atë. Me fustanin e zi, Nalani e fton të ulet por Rafeti nuk e shikon dot gjatë dhe largohet duke i thënë se ai është tanimë babai saj për çdo gjë.

Pas largimit të tij, vjen Hajriu, i cili ndihet si mos më keq për gjendjen që i ka shkaktuar Nalanit. Ai kërkon shumë falje për çdo gjë, edhe pse e thekson se veprat e tij nuk meritojnë falje. Menjëherë pas tij, Nalani merr një vendim.

Ajo betohet se do e lehtësojë veten duke rrëfyer çdo gjë para psikologes së saj dhe Hafizeja e mbështet. Sakaq, Hajriu shkon të kërkojë falje edhe nga Tyrkani e vajzat e tij, të cilave u jep të drejtë deri në pafundësi.

Sikur t’a ndjente se çfarë ka ndodhur, ai përshëndetet me to, ndërkohë që vajza Laze mëson nga mikja saj në gjykatë se Hajriu e ka mashtruar pasi ai dhe Tyrkana janë divorcuar para dy vitesh. Me një thikë në dorë, ajo drejtohet për tek Hajriu.