Telenovela News

Narini nuk heq dorë nga shoqja saj e ngushtë që e konsideron t’a ketë  motër. Për gjatë gjithë natës, ajo studion, bën kërkime e telefonata derisa shikon një dritë në fund të tunelit, që u ngjall të gjithëve shpresa për Rejhanin.

Ndërkohë, Emiri që nuk ka fare shpresa për të, ndan hallin e tij me Zaferin dhe Melikenë, vetëm që të mos flasë me Rejhanin që ajo të mos mërzitet. Paralelisht, nëna e tij Xhavidana gjen shpresë tek Hikmeti.

Ajo pandeh se zërat që dëgjon do i largohen nëse do flejë në dhomë me dikë tjetër dhe për këtë fle me Hikmetin por më kot, sepse Xhemreja arrin të futet e t’a trazojë sërish, duke ia larguar totalisht gjumin.

Xhavidana e gdhin mëngjesin dhe po atë mëngjes, djali saj Emiri bashkë me Rejhanin do largohen për tek Ahmeti që ka një problem por pasojën e merr Emiri, i cili përfundon i plagosur.

Emiri e gjen veten para njerëzve të tjerë duke qarë e duke shprehur fjalë që nuk i thotë dot para Rejhanit dhe personat që i qëndrojnë më afër janë shoku tij Zaferi dhe Melikeja. Sakaq, Narini po përpiqet ende për Rejhanin.

Ajo  nuk heq dorë nga leximet dhe studimet dhe pas shumë orëve mbi libra dhe mbi kompjuter, një shpresë i lind se ndoshta do mund t’a gjejë kurimin për rastin e shoqes që ajo e konsideron si motër, Rejhanit.

Ndërkohë, në shtëpinë ku jeton Rejhani, do futet sërish Xhemreja. Ndonëse Xhavidana e shikoi si zgjidhje shpëtuese që të mos flinte e vetme por në dhomë me Hikmetin, Xhemreja sërish e shqetëson, aq sa ia humbet gjumin.

Nata kalon me aq ndërsa të nesërmen, Emiri me Rejhanin shkojnë të flasin sërish me Ahmetin por këtë të fundit e gjejnë në një përleshje me disa të armatosur dhe në mënyrë tmerruese, plumbi prek Emirin, para syve të Rejhanit.

Idrisi dhe Nedimi bashkohen sërish për të diskutuar plane të tjera, kundër Jamanit. Kësaj rradhe, ato jo vetëm planifikojnë por Nedimi edhe arrin të blejë me para një roje të brendshëm të shtëpisë së Jamanit.

Ndërkohë Jamani po lufton me kryeneçësinë e Nanës. Këtë të fundit e zë gjumi në zyrën e tij, ndërsa ai përkujdeset për të, gjë që do e shikojë edhe hallë Akça por që nuk do zemërohet aspak, përkundrazi.

Që të nesërmen në mëngjes, ajo e afron ende më shumë Nanën, pa e kuptuar njeri se çfarë ka në mendje. Sakaq, në anën tjetër ndodhet Feriti me Aishen dhe Doanë që është vajza tij biologjike.

Edhe pse nuk e di se është vajza tij, ai ndjen një afrimitet shumë të madh. Përtej përkujdesit ndaj Aishes, ai përkujdeset shumë edhe ndaj Doasë, të cilën e zë temperatura.

Feriti kujdeset me devotshmëri për Aishen por jo vetëm; ai gjithashtu kujdeset për Doanë, ndonëse nuk e di aspak se është vajza tij biologjike. Teksa ai qëndron pranë tyre, Doanë e zë temperatura por merr kujdesin e duhur prej tij.

Sakaq, në anën tjetër ndodhet Jamani i cili po përpiqet shumë t’a zbusë kryeneçësinë e Nanës por është shumë e vështirë. Kur kthehet në zyrë, ai shikon se Nanën e ka zënë gjumi në kolltukun e tij.

Jamani afrohet pranë saj për t’a mbuluar dhe atë moment e shikon si dhe e kupton edhe hallë Akça, e cila për çudi nuk zemërohet aspak, përkundrazi. Por, ajo që ato nuk dinë, është se brenda në shtëpi u është futur një armik.

Ai është një prej rojeve, i cili është blerë nga Nedimi me para, që të mund t’a dëmtojnë Jamanin. Ndryshe prej tij, Nedimi e bën për hakmarrje dhe jo për para, siç e bën edhe Idrisi.

Nebahati nevrikoset që Akifi pranon se po përpiqet t’a dojë Kaanin sa më shumë, ndërkohë që edhe djali tyre Doruku nevrikoset nga Kaani, që ngushëllon Asijen për Kadirin, sepse kjo e bën të ndjejë xhelozi.

Asija largohet e acaruar nga Doruku dhe futet në klasën ku do bëhet  provimi për fëmijët që pretendojnë bursë. Për atë provim, një natë më parë të gjithë janë mbledhur në shtëpinë e Omerit për të studiuar.

Pavarësisht kësaj, Harika kërkon kopje nga Omeri dhe si të mos mjaftonte, kur ia zënë kopjen në duar, ajo tregon që ia ka dhënë Omeri dhe kështu, ky i fundit humbet mundësinë për bursë.

Larg tyre, ndodhet Xhemileja me Tollgën. Me idenë e Xhemilesë, ato blejnë ushqim për të gjithë fëmijët që ndodhen në jetimoren ku dhe Xhemileja është rritur dhe të gjithë gëzohen pafund, përfshirë Tollgën vetë.

Fëmijët mësojnë në shtëpinë e Omerit por të nesërmen në provimin për bursë, Harika ia kthen atij në formën më të keqe, sepse e tregon se kush ia dha kopjen dhe rrjedhimisht Omeri e humbet mundësinë për bursë.

Përtej tyre, Kaani po ngushëllon Asijen që ndjen mall për Kadirin por ai afrimitet, nuk pëlqehet aspak nga ana e Dorukut. Ai e nuk e përmban veten dhe nga xhelozia reagon keq, aq sa e largon edhe Asijen nga vetja tij.

Njëkohësisht, Nebahatit nuk i pëlqen fakti që Akifi e pranon se po mundohet t’a dojë Kaanin. Akifi largohet prej saj i acaruar dhe në zyrën e tij në kompani thërret Susenin, për t’a paralajmëruar të qëndrojë larg Omerit.

Sakaq, shumë larg tyre ndodhen Tollga me Xhemilenë. Kjo e fundit e ka bindur Tollgën që drekimin e tyre të parë t’a bëjnë me gjithë fëmijët e jetimores ku ajo është rritur, ku dhe shkojnë me një makinë të mbushur me ushqime.

Aisheja ka nevojë me patjetër që dikush t’a ndihmojë derisa të shërohet plotësisht por do mbetet e vetme sepse Neshesë i duhet të shkojë në vendlindje. Për ndihmë, ajo telefonon Korajin, pa e ditur se ai është dhunuar e nxirë në fytyrë.

Koraji detyrohet të refuzojë duke gënjyer gjoja se ka dalë jashtë vendit. E zënë ngushtë, Neshe lajmëron Feritin se po largohet dhe se Aisheja ka mbetur e vetme ndaj ai me shumë nxitim shkon pranë saj.

Sakaq, në anën tjetër ndodhet Jamani, i cili është acaruar shumë nga situata në komisariat me Nanën dhe shkrimtarin, ndaj i kërkon të mos punojë më si përkthyese por do e angazhojë ai me të tjera gjëra nëse do.

Ndërkohë që Jamani përpiqet për Nanën, Nedimi përpiqet kundër Jamanit, për shkak të dashurisë që ka për Nanën. Ajo që Nedimit i del jashtë kontrollit, është fakti që Idrisi i ka vendosur një përgjues dhe është një hap përpara tij.

Jamani nevrikoset shumë nga ajo që Nana shkaktoi në komisariat, ndaj dhe ia ndalon që t’a vazhdojë më atë lloj pune. Ai thekson se nëse do të punojë, do i mundësojë ai angazhime të tjera përveç Jusufit.

Ndërkohë, armiku i fshehtë i Jamanit që po lufton për Nanën, është Nedimi. Ai vijon me planet e tij djallëzore, pa e ditur se Idrisi është një hap para tij dhe në zyrën ku Nedimi bën takimet, ka vendosur një përgjues.

Paralelisht, Neshesë i duhet të largohet nga qyteti për pak ditë, sepse ka mrrë biletën për të vizituar familjen. Ajo telefonon Korajin për t’i shkuar në ndihmë Aishes por ai gënjen e thotë se është jashtë vendit, sepse është i nxirë në fytyrë.

Rrjedhimisht, Neshe kërkon mbështetje nga Feriti, i cili nuk e zhgënjen dhe me nxitim i shkon Aishes pranë, pa i pranuar refuzimet e saj.

Dy muaj kalojnë nga nata traumatike për Nalanin por çdo ditë e më tepër gjendja vetëm përkeqësohet. Hajriut i del situata nga duart dhe për t’a justifikuar veten, i thotë Nalanit se gjoja vëllezërit e vajzës Laze do e martojnë me zor me të.

Për shkak të degradimit të gjendjes psikologjike të Nalanit, Hajriu ngulmon derisa ajo pranon të shkojë tek një psikolog. Teksa po shkon atje, Sedati e shikon dhe ndjen aq keqardhje për të, saqë betohet se nuk do e lërë në harresë.

Të vërtetën e asaj situate e di vetëm Bilura por ajo e fsheh edhe nga Muzo. Përtej mërzisë për Nalanin, ato të dy festojnë lajmin e madh, se Bilura është shtatzënë. Sakaq, në anën tjetër ndodhet vajza Laze. Edhe ajo është e mashtruar.

Hajriu nuk i ka thënë dot se është i divorcuar nga Tyrkana, në mënyrë që të fitonte kohë për t’u ndarë nga Nalani, pa e marrë vesh ajo për Nalanin. E detyruar, edhe Tyrkana aktron para vajzës Laze sikur po ndahet nga Hajriu.

Shengyli zë Berkun që po përpiqet të flasë me Ajbykenë ndërmjet dritares së dhomës dhe me imponim e bën të flasë e të tregojë si qëndron çështja. Kështu, mëson nga ai se përse është hequr Orhani nga pozicioni i punës që ka pasur.

Si të mos mjaftonte, mëngjesin e të nesërmes e lajmërojnë nga shkolla se duhet të shlyejë pagesën e semestrit për fëmijët, gjë që nuk e priste sepse Akifi ia kishte premtuar si kompensim kur Orhani u paralizua në shkollë nga plumbi që mori.

Akifi sqaron se diçka të tillë nuk do e bëjë sepse Orhani është shëruar tanimë. Ai e lëndon shumë atë, por ende më shumë e lëndon Nebahati Kaanin teksa flet për nënën e tij sikur ajo ishte një e përdalë që donte të ndante familje.

Kaani nuk do t’ia thotë Akifit por ai e vëren mërzinë në fytyrën e të birit dhe ngulmon derisa Kaani tregon se çfarë ka. Megjithatë, i kërkon mirëkuptim në faktin që Nebahati është grua e tradhëtuar dhe do e nxjerrë inatin diku.