Telenovela News

Sejrani përjeton një mëngjes emocionues, ku thekson se dhurata më e madhe është afrimiteti që po i japin, jo dhuratat luksoze. Megjithatë, pas atyre dhuratave, Ifakata e thërret në dhomën e saj për t’i shpjeguar rregullat.

Ajo flet shkurtimisht por thekson se për çdo problem duhet t’i adresohet asaj, në të kundërt do e pësojë. Sejrani largohet duke aprovuar dhe menjëherë zbret në kuzhinë, pranë punonjësve që e mirëpresin, përveç Sulltanës.

Sulltana e bën të ndihet keq kur i tregon që djali saj Japraku nuk flet dot, në momentin që Sejrani pyet përse ai nuk po i përgjigjet. Ajo i flet ende më rëndë kur e gjen pak më vonë duke ia lidhur këpucët, por tanimë e ndalon Feriti.

Ai i tregon vendin Sulltanës dhe Sejranin e gëzon jo vetëm duke e mbrojtur por edhe duke i dhuruar një telefon të ri, që ajo të flasë me nënën dhe motrën e saj. Sejrani i telefonon menjëherë por nuk merr dot përgjigje prej tyre.

Sejrani merr dhurata të njëpasnjëshme nga të gjithë anëtarët e familjes por pas dhuratave luksoze, atë e fton Ifakata për t’i shpjeguar veçmas rregullat e asaj shtëpie, në mes të të cilave i thekson se ajo duhet lajmëruar e para për çdo gjë.

Sejrani konfirmon me kokë dhe më pas largohet, për të zbritur në kuzhinë, ku do ndodhë një situatë e pakëndshme me djalin e Sulltanës, i cili nuk flet dot por Sejrani nuk e di dhe pyet përse është aq i ndrojtur saqë nuk po i përgjigjet.

Sulltana i përgjigjet ashpër jo vetëm në atë moment por edhe pak çaste më vonë kur e zë Sejranin duke u kujdesur për të birin. Tanimë, Sulltana do marrë përgjigjen e merituar nga Feriti, që i rikujton kush është Sejrani dhe kush është Sulltana në atë shtëpi.

Përveç mbrojtjes që i bën, Feriti i sjell Sejranit edhe një telefon, për të folur me familjen e saj, por askush nuk i përgjigjet. Sejrani nuk e mendon aspak se çfarë po ndodh në familjen e saj, me Kazimin e dhunshëm.

Emiri nuk guxon t’i afrohet dot Rejhanit sepse asnjëri prej tyre nuk flet, ndaj ai e ndan me babanë e tij hallin që ka, derisa nëna e qumështit  e fton në shtëpinë e saj, sëbashku me Rejhanin dhe ato të dy shkojnë pa e diskutuar.

Gjatë bisedave të thella me të, ajo shpreh bindjen se ato do e gjejnë mirëkuptimin me njëri tjetrin por nuk ndodh ashtu. Me t’u kthyer në shtëpi, Emiri i kërkon Rejhanit të zgjedhë mes tij dhe fëmijës së tyre.

Teksa Rejhani përjeton atë shokim, shoqja saj Narini përjeton refuzimin e Kemalit që ajo t’a kontrollojë për shkak se ai nuk është aspak mirë me shëndet. Paralelisht, Oja po punon kundër dashurisë së tyre.

Ajo arrin t’ia shprehë Pelinit që dëshiron t’a shohë atë krah për krah me vëllanë e saj por Pelini ndihet mëse në siklet nga ajo bisedë dhe me përulje i kërkon Ojës që të mos ia hapë më asnjëherë atë temë.

Shehrija dhe Hëzëri kuptojnë se planet e tyre nuk po funksionojnë, ndërkohë që nuk e vërejnë se Oja po përpiqet kundër planit që ato kanë dhe po bën maksimumin për t’a afruar Pelinin me Kemalin, aq sa edhe ia thotë asaj.

Pelini ndihet e turpëruar dhe i kërkon Ojës të mos e përfshijë në atë kornizë fare. Sakaq, Narini shqetësohet për Kemalin që nuk është mirë me shëndet por ai nuk e lejon aspak që t’ia masë temperaturën apo të kujdeset për të.

Ndërsa në anën tjetër ndodhet Emiri, i cili ndan hallin me babanë e tij të paralizuar, derisa merr një ftesë nga nëna tij e qumështit dhe sëbashku me Rejhanin shkojnë pranë saj. Ashtu si përherë, ajo është pozitive me të dy.

Megjithatë, Rejhani vijon të kundërshtojë për abortim. I zënë më ngushtë se kurrë, sapo kthehen në shtëpi, Emiri i kërkon Rejhanit të zgjedhë mes tij dhe fëmijës së tyre dhe kështu, e shokon atë si kurrë më parë.

Feriti ëshë i vendosur në misionet e tij jo vetëm si polic por edhe kundrejt Aishes, të cilës ende e dashuron. Me një plan specifik, ai arrin që t’ia vërtetojë asaj se nuk ka asgjë me vajzën me të cilën Aisheja e pa duke ecur, por jo vetëm.

Ai gjithashtu arrin të marrë rrëfimin e krimit nga babai i vajzës, i cili i ka prodhuar ilaçet që po i merrnin jetën Neshesë dhe që ia ka marrë jetën disa vajzave të tjera.

Sakaq, në anën tjetër ndodhet Nana. Ajo ndihet e nderuar kur hallë Akça e fton të jetë ajo dëshmitare e dasmës së Ikrës me Eminin. Nana dhe Jamani dëshmojnë për martesën e tyre ndërsa Ikra dëshmon dashurinë që Nana ka për Jamanin.

Para se të largohen nga shtëpia në përfundim të ceremonisë, Ikra i kërkon Nanës që t’a lërë zemrën të lirë para ndjenjave që ushqen për Jamanin. Ky i fundit e dëgjon Ikrën por edhe Nanën që i mohon ato ndjenja.

 

Nana mëson se tradita e vendosjes së kënasë edhe në dorën e saj, është që beqaret të martohen, ndaj menjëherë e fshin dhe i betohet vetes se nuk do ndalojë së luftuari kundër ndjenjave të saj për Jamanin.

Por, çdo gjë e shtyn drejt tij, aq sa edhe hallë Akça ia lë Nanës vendin e saj për dëshmitare në martesën e Ikrës me Eminin. Pas ceremonisë, ato përshëndeten për t’u larguar dhe gjatë përshëndetjes, Ikra i kërkon Nanës të dëgjojë zemrën.

Edhe pse Nana e mohon dashurinë që ka për Jamanin, Ikra ngulmon, aq sa e dëgjon edhe Jamani. Megjithatë, Nana e mohon deri në fund. Jamani që i dëgjoi të gjitha, i mendon pa ndaluar fjalët e secilës, Ikrës dhe Nanës.

Sakaq, në anën tjetër ndodhet Feriti, i cili me mprehtësinë dhe planet e tij, arrin dy gjëra të mëdha; i vërteton Aishes që ai nuk po i vardisej vajzës dhe arreston babanë e vajzës, pasi e detyron të rrëfejë krimin që ka bërë me ilaçet.

Frik, e njohur si Marta për fisin e Kajive, takohet me nënën Sulltaneshë dhe nga ajo, mëson se Olofi ka ndërruar fe. Edhe pse shokohet, Marta është e bindur se Olofi nuk e braktis atë por Sulltanesha nuk mendon ashtu.

Ajo thekson se një person që “ndërron” Zotin, mund t’a ndërrojë edhe të dashurën. E frustruar por edhe e frikësuar pafund, Marta betohet se në rast se Olofi do e tradhëtojë, ajo do e vrasë me duart e saj.

Sakaq, në anën tjetër ndodhet Karesi Bej me shumë të tjerë në një mbledhje, duke diskutuar rrëzimin e Osmanit, në një kohë që ushtarët e Osmanit vazhdojnë shërbimet e hapura dhe sekrete për të.

Kurthet vazhdojnë në të gjitha anët. Shërbëtorja Esma detyrohet të hedhë helm në pijen e Orhanit që ai të dobësohet dhe gjatë ushtrimit me Alaatinin, të mos mund të mbrohet e rrjedhimisht të plagoset dhe ashtu ndodh.

 

 

Narini dhe Kemali vijojnë të kenë keqkuptime, për shkak të Ojës. Kemali pandeh se Narini është kthyer vetëm për hir të Masallit dhe nga frustrimi, i flet sikur edhe ai e do aty vetëm për hir të Masallit.

Paralelisht, grindje do ketë edhe mes çiftit konkret, që po kalon momentin më të vështirë të jetës. Emiri, pasi ngulmon në abortimin e fëmijës, merr një akuzë shumë të rëndë nga ana e Rejhanit.

Ajo i thotë se po tregohet egoist duke mos i dhënë asnjë shans që të jenë familjarisht të lumtur, ndaj Emiri nuk flet aspak më tepër por del nga shtëpia, për të qëndruar i vetëm në një prej parqeve të qytetit.

Ashtu si Emiri, edhe Rejhani qëndron në vetmi, me kujtimet e njëpasnjëshme që i vijnë në mendje. Sakaq, në anën tjetër ndodhet Talazi me Xhemrenë. Tanimë, ato të dy i bashkon urrejtja për Xhavidanën ndaj dhe nuk heqin dorë nga planet.

Sejrani dhe Feriti akomodohen në shtëpinë e këtij të fundit, ku të gjithë, përveç njërës prej shërbëtoreve, do e presin nusen e re  më së miri. Ajo quhet Sulltana dhe prezencën e Sejranit aty, nuk e simpatizon aspak.

Ndërkohë Sejrani tmerrohet nga idea që do flejë në të njëjtën dhomë me Feritin por megjithatë nuk e lejon të flejnë në të njëjtin shtrat. Përtej sikletit që përjeton Sejrani, Feriti është mëse i qetë dhe hidhet në shtrat pa e menduar Sejranin.

Pasi darkojnë familjarisht, gjyshi Feritit e thërret Sejranin në dhomën e tij, për t’a pyetur nëse ka nevojë diçka si dhe për t’i dhënë disa këshilla jete. Paralelisht, ish i dashuri i Sejranit, Jusufi, bëhet shumë pishman që nuk ia mbathi me të.

Ai qan nga pendimi dhe betohet se do hakmerret ndaj Feritit që ia mori vajzën e ëndrrave. Si të mos mjaftonte, martesa e Feritit me Sejranin nxjerr fjalë të paqëna për Sunën, gjoja se ajo ishte e njollosur në moral dhe prandaj nuk e pranoi Feriti.

 

Ajlini mëson se motra saj Xhejlini po divorcohet nga Ilgazi dhe mërzitet, ndaj dhe përpiqet t’a bindë atë të kthehet me të, pir s’ia del dot. Ndonëse është e bindur, ajo, kur takohet me Ilgazin, përfundon duke fjetur me të, duke mos i rezistuar dot.

Pasi Xhejlinën e zë gjumi, Ilgazi largohet, mes lotësh. Sakaq, në anën tjetër ndodhen vajzat, Merve, Parla dhe Tuçe. Ato marrin një ftesë nga Serdari për t’iu bashkuar ne resortin ku ai po qëndron dhe ndërkohë, Tuçe planifikon t’a padisë tek i ati.

Ajo e bën, por Serdari e kupton situatën dhe me ndihmën e Xhunejtit, ia mbath para se të mbërrijë Engini. Për ftesën që u bëri vajzave, Serdari e di që do marrë dënim nga Jektai dhe për këtë i përgjërohet Xhunejtit që t’a ndihmojë.

Po atë ditë, Ilgazi do mësojë se bashkëshorti i Xhansusë ka vrarë të dashurin e saj. I frikësuar, ai telefonon Xhejlinën dhe i tregon se të gjithë janë në rrezik sepse bashkëshorti i Xhansusë do të hakmerret ndaj të gjithëve.