Telenovela News

Rejhani e lë pa fjalë Emirin duke i thënë se është dakord për të birësuar fëmijë por të dytin ose të tretin, jo se do heqë dorë nga ai që ka brenda vetes. Nga frika se çdo moment ajo rrezik të vdesë, Emiri thuajse humbet toruan.

Të nesërmen në mëngjes, Rejhani zgjohet e vetme në shtrat por shumë shpejt Emiri i shkon pranë dhe i kërkon të bëhen gadi për të shkuar në një vend, të cilin do e mësojë kur të mbërrijë. Ato sëbashku, mbërrijnë para varrezave.

Emiri, me lot në sy, e pyet nëse ajo do donte që t’a shikonte atë në njërën prej atyre varrezave dhe pas atyre fjalëve, të dy bien në heshtje, pa thënë dot asnjë fjalë. Sakaq, në anën tjetër ndodhet Narini me Kemalin.

Të dy pandehin se personi përballë nuk ka më interes tek ato, ndaj edhe Narini i zemërohet Kemalit për Pelinin, edhe Kemali beson Ojën, gjoja se Narini donte që t’a afronte Kemalin me Pelinin.

Jamani i shkon Nanës pranë me një biletë në dorë, të cilën e ka marrë për të, që ajo të kthehet e të pushojë një javë në vendlindjen e saj, por Nana nuk pranon, vetëm sepse ai gjest e afron ende më shumë me të.

Pasi Jamani largohet i irrituar, ajo i shkon në zyrë për t’ia lënë biletën por aty shikon edhe tesbihet që dikur ia ka dhuruar vetë dhe emocionohet pafund. Përhumbjen e saj, do e ndërpresë një ulërimë që vjen nga oborri.

Ajo nxiton dhe shikon një vajzë që përgjërohet për t’u futur brenda, duke thënë se është e njohura e hallë Akçës dhe ka nevojë për ndihmë. Nana e merr menjëherë në mbroje ndërsa mes të tjerëve dëgjohen të shtëna.

Sakaq, në anën tjetër ndodhet Ibo, i cili bashkëpunon në operacionin për gjetjen e personit që ka rrezikuar jetën e Neshesë dhe shumë të tjerave si ajo. Kësaj rradhe, ai infiltrohet si të ishte avokat.

Koraji takohet me bashkëpunëtorin e tij dhe përpiqet t’a bindë që t’ia mbathë, që assesi Koraji të mos përmendet gjëkundi para Aishes e të zbulohet krimi tij, por nuk ia del dot. Ndërkohë Aisheja vazhdon ende me kërkimet, ashtu si dhe Feriti.

Të dy shkojnë në komisariat por fajtorin nuk e bëjnë dot të flasë, që ai të tregojë se kë ka mbi krye. Për t’a zbuluar, Ibo futet si i infiltruar, gjoja se e ka sjellë si avokat shefi i tyre.

Sakaq, në anën tjetër ndodhet Nana, të cilës Jamani i dorëzon një biletë për të pushuar një javë në vendlindje por Nana e refuzon, vetëm që të mos afrohet ende më shumë me të. Çaste më vonë, ia kthen biletën në zyrë.

Teksa ia kthen, vëren edhe tesbihet që ai i mban në sirtar dhe emocionohet. Me nxitim del që aty dhe ndihmon një vajzë që po ia mbath nga dy mizorë. Nana e merr atë brenda në shtëpi dhe vetëm pasi futen brenda, mëson se vajza është e njohura e hallë Akçës.

Jusufi dëgjon rastësisht lajmin se Feriti ka kërkuar dorën e Sejranit dhe jo të Sunës, gjë që e shokon po aq sa vetë Sunën e Sejranin. Kjo e fundit, pasi përfundon dënimin, bisedon me hallën e saj që ngulmon t’a martojë.

Ajo i tregon Sejranit se në atë moshë ka qenë po aq kokëfortë sa ajo dhe ka refuzuar çdo person por tani që është plakur është penduar në shpirt që s’ka krijuar familjen e saj, ndaj dhe do që Sejrani të martohet.

Që aty, Sejrani del për të kryer procedurat e martesës me Feritin por gjen formën dhe shkëputet për t’u takuar me Jusufin. Ajo është gadi t’ia mbathë me të por Jusufi refuzon, duke pasur frikë reagimin e familjes së saj dhe të Feritit.

Sakaq, në anën tjetër ndodhet Ifakati me Orhanin, ku ky i fundit tenton të shkojë me të por ajo e refuzon, duke i kujtuar natën e kaluar kur ai nuk u interesua fare për të por qëndroi vetëm me gruan e tij.

Kaani largohet mes lotësh nga familja tij, për të kaluar gjithë natën në makinë, duke mos pasur asnjë strehim tjetër. Ndërkohë Nebahati, përgatit valixhen për t’u larguar nga shtëpia por fëmijët e ndalojnë, nga shqetësimi që kanë për të.

Akifi lumturohet për qëndrimin e saj ndërsa Nebahati ësht e vendosur për t’a divorcuar atë. Të nesërmen në shkollë, Doruku vazhdon të jetë i njëjtë ndaj Kaanit, ndryshe nga Melisa që shqetësohet edhe për të.

Duke e pranuar si vëlla, ajo i shkon nga pas për t’a pyetur se ku po qëndron dhe çfarë po bën por Kaani është ende i lënduar dhe nuk pranon të flasë. Sakaq, Kadiri atë ditë e kalon me Emelin, duke e dërguar në një librari fëmijësh.

Në pamundësi të blerjes së shumë librave, Kadiri ulet në një vend me Emelin dhe nis t’ia lexojë asaj njërin prej tyre, aq sa bie në sy të menaxhuesit të vendit, i cili e komplimenton shumë Kadirin për gjestin dhe madje i ofron një vend pune.

Narini rikthehet në shtëpi me Ojën, Masallin dhe Shehrijen, për të gjetur në shtëpi ende Pelinin pranë Kemalit. Tanimë, ky i fundit, i kërkon Narinit që të ecin me rregullat që mendon Pelini se do jenë më efikase.

Fjalët dhe vendimi i Kemalit vetëm sa e bën Narinin ende më shumë xheloze por ajo nuk reagon. Pak më vonë, do reagojë Kemali kundrejt motrës së tij, Ojës, lojën e të cilës e ka kuptuar ndaj dhe i kërkon të mos e përsërisë më.

Sakaq, në anën tjetër ndodhet Rejhani, të cilës Emiri po i ulëret nga frika se ajo do rrezikojë veten dhe mund t’a humbasë. E gjithë pjesa tjetër e familjes e dëgjon dhe përfshihet e shokuar. Ajo që e kupton më shumë, është Nigari.

Ajo i tregon Rejhanit se çfarë ka përjetuar kur ka humbur fëmijën por insiston se jeta e nënës ka më rëndësi. I vetmi person që i sugjeron t’a lindë fëmijën, është Xhavidana, dhe kjo e çmënd të birin e saj, Emirin.

Mjekët që i qëndrojnë mbi krye Neshesë, arrijnë t’a kthejnë atë në jetë dhe t’ia stabilizojnë gjendjen. Ajo kalon në një dhomë normale, përtej kujdesit intensiv në të cilin ishte dhe pranë vetes, do ketë jo vetëm motrën dhe Feritin por edhe Vollkanin.

Ndërkohë, Aishe dhe Feriti do vazhdojnë me të njëjtin rigorozitet dhe seriozitet të bëjnë kërkime për personin që i ka dhënë ilaçet Neshesë dhe shumë të tjerave si ajo. Sakaq, në anën tjetër ndodhet Nana, me luftën që i ka shpallur zemrës.

Ajo është e vendosur të bëjë çdo gjë që është e mundur, vetëm për të mos rënë në dashuri me Jamanin, ndaj dhe heq nga dhoma saj çdo dhuratë që ai i ka sjellë, që t’a kujtojë sa më rrallë të jetë e mundur.

Për të folur mbi rrëmbimin e saj të fundit, në shtëpi do u trokasë Feriti. Nga biseda intensive që bën me të, ai i thotë Jamanit se të dy janë njëlloj, shumë të vështirë dhe që nuk durojnë aspak.

Nana nis të nxjerrë nga dhoma saj e gjumit çdo dhuratë që Jamani i ka sjellë gjatë qëndrimit të saj në atë shtëpi. Sipas kësaj manovre, ajo beson se do arrijë t’a heqë edhe Jamanin nga zemra. Çaste më vonë, ajo e ndëpret punën që nis.

Feriti e fton në një bisedë ku ajo do japë detaje nga rrëmbimi që i ndodhi por e vetmja gjë që ai arrin të qartësojë nga ajo bisedë, është që Jamani dhe Nana kanë një ngjashmëri shumë të madhe karakteriale.

Ndërkohë, Jamanit po i punon rrengun Nedimi, sipas planit që ka bërë me Idrisin por pa qenë në dijeni as Nedimi vetë se Idrisi po ia hedh edhe atij. Në anën tjetër, ndodhet Aisheja që i qëndron mbi kokë Neshesë.

Për fatin e saj, mjekët arrijnë t’a rikthejnë me një stabilitet në shëndet, aq sa e dërgojnë në dhomë normale dhe ajo aty ku ishte me kujdesin intensiv. Tanimë, pranë vetes, ajo ka edhe Vollkanin.

 

 

Sejrani takohet fare rastësisht me Feritin në një dyqan, ku ajo i përgjigjet shumë e acaruar dhe ai qëllimisht vijon t’a ngacmojë. Ditën tjetër, ai i vihet nga pas vetëm për t’a ngacmuar edhe njëherë më shumë dhe ia del.

Asnjëri prej tyre nuk e di se takimi i rradhës do jetë po atë mbrëmje, kur familja Feritit do trokasë në shtëpinë e familjes së Sejranit, për të kërkuar dorën e Sunës. Një incident nga ana e Sunës, do e prishë të gjithë planin.

Nga emocionet e tepërta, ajo rrëzohet dhe në çast Sejrani futet brenda për të ndihmuar motrën. Feriti e shikon i shtangur dhe meqë ende nuk ishte përmendur emri i Sunës për t’i kërkuar dorën, ai kërkon Sejranin.

Sejrani tmerrohet e tëra, po aq sa Suna që humbi mundësinë që e shikonte si më të artën në jetë. Suna që është e dashuruar pas Jusufit, kundërshton të martohet por babai saj nuk e lejon t’a kundërshtojë martesën që do ia zgjidhë problemet ekonomike.

Sejrani po bën një porosi bakllavaje kur takon rastëtisht Feritin, të cilit i përgjigjet ashpër, për shkak të irritimit që ka në familjen e saj. Ajo ende nuk e di se ai do kërkojë dorën e motrës së saj Sunës, vetëm një ditë më vonë.

Të nesërmen, ai qëllimisht shkon në dyqan ku ajo do marrë porosinë dhe e ngacmon, pa e ditur as ai se do kërkojë motrën e saj atë mbrëmje. Por, motra saj Suna, është mbuluar nga emocionet e tepërta, aq sa dridhet e tëra.

Në momentin që futet brenda në sallon për të shërbyer kafetë para Feritit dhe familjes së tij, ajo rrëzohet. Sejrani nxiton për tek ajo për t’a ndihmuar por nga turpi që ndjen, Suna largohet. Babai tyre, zemërohet pafund sepse ajo martesë i duhej për të shpëtuar veten financiarisht.

Për fatin e tij por jo të vajzave, Feriti e përfundon ceremoninë e kërkimit të dorës duke kërkuar dorën e Sejranit, gjë që do ua shembë botën mbi kokë të dy motrave. Sejrani që dashuron Jusufin, kundërshton të martohet por babai i përgjigjet me dhunë.