Telenovela News

Ifakati merr në shtëpinë e tyre Sunën, për t’i treguar asaj garderobën që i ka marrë nga e para dhe për t’i dhënë mësime të pasnjëshme, për se si duhet të jetë ajo, në çdo aspekt të jetës së saj.

Paralelisht, motra saj Sejrani po vëzhgon sëbashku me Abidinin Feritin që ka shkuar të takohet me gazetarin për të mësuar përse e publikoi lajmin. Ai ia hedh fajin Pelinit dhe ndërkohë e ngacmon me shumë fjalë, që Feriti t’a dhunojë.

Qëllimi gazetarit është t’a fotografojë duke shfaqur dhunë dhe ia del, kur i thotë Feritit se ndoshta një ditë ai do zërë mat edhe Sejranin vetë. Që aty, Feriti shkon të kërkojë llogari tek Pelini por ajo e bind në pafajësinë e saj.

Për më tepër i kujton se ai është martuar tanimë dhe s’ka të drejtë t’i kërkojë asaj llogari. Pa e ditur se Sejrani po i përgjon pas derës, Feriti i thotë Pelinit se nuk e llogarit atë martesë pasi e kanë martuar pa dëshirën e tij.

 

 

Omeri lumturohet pafund kur Suseni i sugjeron një vend për të punuar si lavazhier. Ai e bën punën mëse i lumtur por në fund të ditës së parë të punës, mëson se rrogën e tij e jep Suseni, ndaj dhe jep menjëherë dorëheqjen.

Ndërkohë, në shtëpinë e tij zhvendoset Xhemileja, gjë që Tollga nuk e pranon. Fillimisht ai reagon ashpër, më pas tenton me buqetë lulesh, kërkim faljeje e lot në sy por asnjëra nuk funksionon sepse Xhemileja i ka dhënë fund njëherë e mirë.

Pasi sigurohen se Tollga është larguar, Orhani futet brenda në shtëpi për të ndihmuar Shengylin me situatën e saj dhe për këtë, ai shfleton të gjithë albumet fotografike dhe ia shpjegon një më një historinë pas atyre fotove.

Paralelisht, dëmtori kryesor i familjes së tyre, Akifi, po merret me martesën e Resulit me Ajlën që ka dështuar. Ai e mëson Ajlën për plot intriga, që Resuli të mos divorcohet dot nga ajo.

Tollga nuk e pranon se Xhemileja do të ndahet prej tij ndaj dhe reagon shumë ashpër. Për të kërkuar falje, ai i shkon nga pas në shtëpinë e Omerit ku ajo zhvendoset. Ndonëse i paraqitet me lule dhe lot në sy, ajo nuk e fal.

Ndërkohë, në shtëpinë ngjitur, Orhani ka marrë albumin e fotografive dhe po ia tregon Shengylit të gjitha një më një, duke i treguar njëkohësisht edhe historinë pas atyre fotografive, që edhe Shengyli të kujtohet sadopak.

I vetmi që s’ka ardhur ende në shtëpi është Omeri. Ai ka filluar punë si lavazhier me sugjerimin e Susenit, pa e ditur se rrogën e tij e paguan vetë Suseni. Pas një dite të lodhshme pune, ai e mëson këtë dhe menjëherë jep dorëheqjen.

Larg tyre, ndodhet Nebahati me Akifin dhe Ajlën që del nga spitali si e lënduar në krah. Të gjithë ndjekin planet e Akifit për anullimin e divorcit mes Ajlës dhe Resulit, duke shpresuar se do funksionojë.

Oja nis t’a shikojë Feridenë me sy tjetër, sikur ajo po e shikon Emirin për të pasur diçka më shumë me të. Prandaj, sapo e gjen të vetme, e merr para vetes dhe ia bën të qartë se nuk mund të ketë ndonjë të ardhme me Emirin.

Ajo bisedë, Feridenë e zë shumë papritur ndaj dhe menjëherë përlotet, teksa betohet se as që i ka shkuar në mendje ndonjëherë diçka e tillë, por Oja sërish  nuk e beson. Sakaq, në anën tjetër ndodhet vëllai tjetër i Ojës, Kemali.

Ai nuk e beson Kumrunë në shpjegimin e saj të pafajshëm, siç e beson Munevveri. Përtej saj, Kemali u tregon të gjithëve se ka caktuar datën e martesës me Narinin, gjë që Kumru nuk e priste aspak.

Por Kumru i premton vetes se do e bëjë Narinin të ndihet e pamjaftueshme për veten, që të mos durojë dot të jetë edhe bashkëshorte për dikë. Si hap të parë, ajo planifikon rrëzimin dhe lëndimin e Narinit në tualet, gjë që ia del t’a bëjë.

 

 

 

Kumru arrin t’a mashtrojë nënën e saj, gjoja se ajo nuk e bëri qëllimisht planin kundër Narinit. Mirëpo, Kemali nuk e beson diçka të tillë dhe vazhdon t’i mbajë qëndrim asaj.

Për t’i treguar Narinit dashurinë e tij të pakushtëzuar, Kemali cakton një datë martese dhe kjo e acaron aq shumë Kumrunë, saqë ajo betohet se do e bëjë Narinin të ndihet e pamjaftueshme edhe për veten e saj, që të mos mundet të qëndrojë krah Kemalit.

Për këtë, Kumru sajon një rreng në tualet dhe Narini gjakoset në këmbë, duke u ndjerë si mos më keq, ashtu siç Kumru donte që ajo të ndihej. Ndërkohë, në anën tjetër, Oja nis të ketë dyshime për Feridenë se mos ajo e pëlqen Emirin.

Për këtë, ajo flet hapurazi me Feridenë duke ia bërë të qartë se nuk mund të ketë asnjëherë punë me Emirin por Ferideja mes lotësh, betohet se diçka të tillë as që e ka menduar ndonjëherë.

Neshe shkon të vizitojë Vollkanin në zyrë kur nga pas u shkon edhe Bashaku që vijon të tentojë rikthimin me Vollkanin por nuk e lejon njeri, pasi Vollkani kap dorën e Neshesë dhe largohet me të.

Ndërkohë, në zyrën tjetër, Feriti merr të tregojë se ka filluar të njihet nga e para me Aishen por kjo e fundit e ndalon duke ia shkelur këmbën dhe ia bën të qartë se është shumë herët për t’u treguar të tjerëve.

Sakaq, në anën tjetër ndodhet Nana, e cila gëzon shoqen e saj me surprizën që i bënë dhe marrin aprovimin e saj për t’u martuar. Më pas, Pinari mëson çfarë ka ndodhur me Jamanin dhe Nanën dhe jep komentin e saj me bindje të plotë, se të dy e dashurojnë njëri tjetrin.

Madje Pinari thotë po me aq bindje se Jamani nuk do largohet. Ndonëse Nana nuk e beson aspak, ajo vërteton moslargimin e tij sapo kthehet në shtëpi dhe nga pas shikon Jamanin.

Pinari i gëzohet shumë surprizës që i dashuri saj dhe shoqja e ngushtë i bënë. Ajo pranon të martohet por edhe mendon për Nanën e për ndjenjat që ka për Jamanin. Pinari ngulmon se të dy kanë ndjenja reciproke por Nana nuk e pranon.

Ajo kthehet në shtëpi e zemëruar që Jamani është larguar por menjëherë pas saj dëgjohet zhurma e makinës nga ku zbret Jamani, pa asnjë justifikim për asnjë person se përse nuk u largua. Edhe pse u kthye për Nanën, gërricjet nisin menjëherë.

Sakaq, në anën tjetër ndodhet Feriti, mëse i lumtur që po vazhdon njohjen nga e para me Aishen. Ai pretendon t’i tregojnë të gjithë zyrës për vendimin e tyre por në mënyrë të prerë, Aisheja nuk pranon, duke thënë se janë ende shumë herët.

Në zyrën tjetër të policisë, Neshe po takon Vollkanin kur përpara u del Bashaku. Kjo e fundit tenton me Vollkanin por Vollkani nuk e honeps fare, gjë që asaj ia shton fiksimin ende më shumë ndaj tij.

Feriti tenton t’a bindë Sejranin që ajo të flasë me gazetarin dhe pasi ai e kërcënon duke i thënë se do i tregojë Kazimit për Jusufin, Sejrani pranon. Ato takohen me gazetarin por Feritit nuk i duket se e kanë bindur dhe për këtë fajëson Sejranin.

Megjithatë, gazetari lajmëron ndërmjet Abidinit se nuk do e publikojë lajmin. Personit të cilin i druhen nëse lajmi publikohet, është Halisi, i cili në ato momente po takohet me Hatixhenë në një bahçe çaji, duke folur për të shkuarën.

Nga sytë e secilit rrjedhin lot dhe gjithashtu,  një dhuratë fine vjen nga Halisi për Hatixhenë, e cila e pranon pa hezituar. Sakaq, të nesërmen në mëngjes, lajmi pabesisht publikohet. I pari që e shikon është Kazimi, i cili humbet toruan.

Ai i drejtohet vilës me furi ndërkohë Suna lajmëron Sejranin që të përgatitet. Teksa të gjithë tentojnë t’a fshehin nga Halisi, ulërimat e Kazimit dëgjohen deri në dhomën e Halisit i cili zbret menjëherë poshtë.

Intrigat vijojnë të jenë prezente gjithandej; fillimisht tek Nebahati që përpiqet të afrojë Kaanin me Asijen në mënyrë që kjo e fundit të ndahet përfundimisht me të birin dhe së dyti, Tollga që e mban me të padrejtë Xhemilenë në shtëpinë e tij.

Ajo kërkon të largohet sapo përgatit valixhen ndërsa ai brutalisht e mban brenda duke e kyçur derën me çelës. Sakaq, një intrigë shkatërrohet dhe ajo është intriga që iu bë Suzanës për t’a hequr nga puna. Resuli e kupton dhe kërkon falje.

Suzana jo vetëm që rikthehet në punë por ato bëjnë edhe një pakt se si nuk do bien më në konkluzione pa folur fillimisht me njëri tjetrin. Sakaq, Shengyli po strehohet në shtëpinë e Resulit, nga gruaja dhe djali tij, i cili detyrimisht ia fsheh Ajbykesë.

Gjithçka do marrë një rrjedhë tjetër të nesërmen në mëngjes kur Shengylin e përplasin në tokë teksa tentojnë t’ia marrin çantën me forcë dhe si pasojë e aksidentit, humbet realisht kujtesën. Të tmerruar nga ngjarja, të gjithë e pranojnë sërish në shtëpi.

Nebahatit i pëlqen idea që Kaani të afrohet me Asijen sepse kështu do largohej Doruku nga Asija, ndaj dhe bën çdo gjë që kanë dorë për t’i afruar. Paralelisht, shoku klasës Tollga nuk e pranon vendimin e Xhemilesë për t’u larguar.

Ai e humbet toruan në atë gradë saqë e mbyll Xhemilenë në atë shtëpi, vetëm se ajo do të largohet. Në anën tjetër, hapet një derë tjetër dhe ajo është e Suzanës, e cila mirëpret Resulin që shkon t’i kërkojë falje e t’i kërkojë rikthimin në punë.

Suzana pranon por vendosin kusht që çdo gjë t’a flasin me njëri tjetrin tani e tutje, para se të marrin vendime të mëdha. Sakaq, në shtëpinë e Resulit po strehohet Shengyli por këtë, Berku e fsheh nga Ajbykeja.

Mëngjesin e të nesërmes, teksa del nga marketi, Shengylit tentojnë t’ia vjedhin çantën dhe nga ajo përleshje, ajo bie në tokë, pa ndjenja. Në spital do zgjohet brenda ditës dhe mbi kokë do gjejë gjithë familjen por ajo nuk njeh asnjërin prej tyre sepse e ka humbur kujtesën.