Month: July 2023

Asija mëson çdo gjë nga një telefonatë e Ilknurit që ajo e dëgjon rastësisht. Ajo humbet toruan ashtu si gjithë të tjerët, ndërsa Ilknurin e dërgojnë në polici për të dhënë dëshminë e saj. Gjatë asaj kohe, Kaani vazhdon kërkimet dhe me sukses.

Ai rikthehet në mesin e të gjithëve duke mbajtur Emelin në duar. Mëse të lumur, Orhani rikthehet me familjen e tij të madhe në shtëpi por nga vetë Emeli mëson se Shengyli e ka dorëzuar atë tek Ilknuri dhe Shengyli nuk e mohon dot.

Mes lotësh,ajo justifikohet duke thënë se e bëri që Ogulxhani të mos vdiste në burg por këtë justifikim nuk ia pranojnë as të tjerët dhe as vetë Ogulxhani. Orhani e dëbon nga shtëpia dhe ajo shkon tek e motra, por më kot, nuk ka vend për të.

Teksa Shengyli mbetet fillikat mes katër rrugëve, Harika në anën tjetër i del përpara Resulit dhe mëson arsyen përse e ka hequr nënën e saj nga puna. Suzana ndërkohë, humbet toruan nga akuzat e padrejta dhe qëllon me shuplakë nënën e Berkut.

Emiri dërgon Feridenë me nxitim në spital por për fat, ajo ka vetëm një plagë të vogël. Sapo ajo merr t’i shpjegojë se kush është personi që e hodhi në tokë, Emiri thotë se ai po hakmerrej pasi e ka mposhtur në ndeshje boksi një natë më parë.

Që askush të mos e mësojë të vërtetën, Emiri i kërkon Feridesë të qëndrojë e fshehur në dhomën e tij derisa t’i shërohet totalisht plaga. Sakaq, xhaxhai tij në anën tjetër, krijon një sistem në shtëpi, për të mirën e Narinit.

Falë sistemit me litarë që Kemali krijon, Narini mund të lëvizë shumë më lirisht dhe e sigurtë në shtëpi, gjë që Kumrunë e irriton pafund. Ende më shumë e irriton nëna saj që ka nisur t’a shohë me dyshim lidhur me aksidentimin e Narinit.

Kumru i mohon të gjitha akuzat por nëna saj Munevveri, gjen fotografinë ku Kumru shfaqet e veshur me fustanin e nusërisë së Narinit dhe njëherazi të dyja shpërthejnë në lot.

Nëna e Narinit dhe Kumrusë, zonja Munevver, nis të dyshojë mbi vajzën e saj, se mos ka gisht në aksidentimin e Narinit. Për këtë, ajo e merr në pyetje Kumrunë por Kumru përveçse e mohon, edhe e fajëson nënën e saj që dyshoi tek ajo.

Megjithatë, Munevveri gjen në telefonin e Kumrusë fotografinë e saj ku mban të veshur fustani e nusërisë së Narinit dhe bindet se ajo ka faj. Paralelisht, Narini zgjohet me një surprizë nga Kemali që vetëm mendon për të.

Ai ka krijuar një sistem të atillë në shtëpi që Narini të orientohet shumë më lehtë dhe të mos lëndohet gjithashtu. Gjesti tij e bën aq të lumtur Narinin saqë ajo pranon edhe t’i bjerë pianos, siç ka bërë përpara.

Në anën tjetër, Emiri dërgon Feridenë në spital dhe për fat ajo ka shpëtuar me pak por megjithatë, Emiri i kërkon të qëndrojë e fshehur në dhomën e tij që askush të mos ia shohë plagën, pasi mendon se djaloshi që e hodhi në tokë, e ka bërë vetëm për faktin që është ndeshur me të, me Emirin.

Nana nuk heq dorë nga takimi që do bënte, prandaj dhe del fshehurazi nga shtëpia. Ajo mendon se të gjithë kanë fjetur por në të vërtetë ka Jamanin nga pas. Për fat, Jamani nuk mërzitet dhe nuk i largohet për gjatë gjithë rrugës.

Në një moment, ajo rrezikon shumë sepse disa djem të pajisur me thika i dalin përpara. Për të shpëtuar Nanën, Jamani plagoset vetë por në fund ia del. Sëbashku, ato të dy shkojnë në spital, ku dhe do kalojnë natën.

Sakaq, në anën tjetër ndodhet Aisheja që bindet nga Feriti për t’ia filluar njohjes nga e para. Feriti fillimisht flet për fëmijërinë e tij të vuajtur, më pas e pyet Aishen se çfarë ka pëlqyer tek Koraji që është martuar me të.

Përgjigjia e Aishes se Koraji është një shok shumë i mirë, do e qetësojë Feritin sepse do e bindë që ajo nuk ka qenë asnjëherë e dashuruar pas tij dhe kjo i mjafton.

 

Aisheja ka shumë frikë t’ia nis nga e para me Feritin por ky i fundit arrin t’ia largojë çdo lloj frike që ajo ndjen. Të dy fillojnë prezantimin nga e para, duke mos pranuar asnjë lloj gënjeshtre apo shmangieje.

Pasi Feriti tregon për fëmijërinë e tij të vuajtur, Koraji i ndërpret por edhe nuk qëndron shumë e largohet. Feriti pyet Aishen se çfarë ka pëlqyer tek ai që është martuar me të dhe nga përgjigjia që ajo jep, Feriti kupton se nuk e ka dashuruar ndonjëherë Korajin.

Sakaq, në anën tjetër ndodhet Nana, e cila ngulmon të takohet me të dashurin e Pinarit, shoqes së saj të ngushtë. Ajo del natën vetëm nga shtëpia, pa e ndjerë që ka Jamanin nga pas por për fatin e saj, Jamani e ndjek deri në fund.

Ai e shpëton nga disa të panjohur që tentojnë të abuzojnë me të por përfundon duke u plagosur për vete, prandaj me nxitim shkojnë në spital ku dhe do kalojnë të dy gjithë natën.

Halis Aga shkon të takojë babanë e Sejranit, me qëllimin për t’a bindur që të mos e martojë Sunën pa dëshirë dhe për t’a arritur këtë, i thotë se tani që janë krushqi me to, ka shumë rëndësi se kush do jenë krushqitë e rradhës.

I ndikuar nga potenca Halis Agës, Kazimi bie dakord. Madje ai e lejon Sunën edhe që të shkojë shpesh në shtëpinë e Halisit, në mënyrë që Ifakata t’a mësojë të sillet e të vishet si ato. Mirëpo, ky lajm do prishë qetësinë e dikujt.

Ai person është gruaja e Fuatit, Asumana. Megjithatë, ajo qëndron në heshtje dhe nuk reagon fare. Paralelisht, vajza e Sulltanës, Dixhle, nis të ketë një pëlqim të madh për Jusufin.

Që ai të mos largohet që aty, ajo i tregon se nëna Feritit po bind bashkëshortin e saj që Jusufin t’a dërgojnë me punë në kompani, gjoja se aty nuk kanë fare nevojë për të. I frikësuar, Jusufi menjëherë ia komunikon Sejranit por ajo nuk e beson.

Shengyli bën çdo gjë për të shpëtuar të birin e saj nga burgu, ndaj dhe i përgatit Emelit një çantë, e bind se po e dërgon të bëjë shëtitje me Ilknurin dhe kështu, ia dorëzon kësaj të fundit, pa e ditur askush.

Ndërkohë në shtëpi ka përgatitur terrenin që të binden të gjithë se Emeli ia ka mbathur nga dritarja. Në të vërtetë, Emeli ia mbath fshehurazi nga Ilknuri pasi dëgjon me veshët e saj se ajo po e rrëmben nga vëllai dhe motra, Asija dhe Omeri.

E gjithë lumturia se Ogulxhani doli nga burgu, do shuhet kur kthehen në shtëpi dhe nuk e gjejnë Emelin. Të panikosur, ato lajmërojnë policinë dhe shumë shpejt, policia gjen çantën e Emelit në mesin e një pylli.

Kur Ilknuri i bashkohet kërkimeve, Shengyli gjithashtu panikoset pasi deri më atë moment, pandehte se Emeli ishte e sigurtë në duart e Ilknurit. Kërkimet e tyre vazhdojnë deri në errësirë por pa asnjë rezultat.

 

Shengyli bie dakord me planin e Ilknurit, që t’i japë Emelin në këmbim të lirimit të Ogulxhanit. Për të bindur Emelin, Shengyli i thotë se vetëm do i bëjë gjiro Ilknuri, si teto e saj. Por, rrugës, Emeli dëgjon një bisedë.

Ajo mëson planin e errët të Ilknurit dhe ia mbath nga marketi ku kanë ndaluar për tualet. E vogla futet brenda një kamioni dhe zbret në mes të një pylli, pa drejtim. Ndërkohë, Ogulxhani del nga burgu dhe e presin të gjithë.

Ashtu siç janë kthehen në shtëpi ku Shengyli ka planifikuar më së miri skemën sikur Emeli është arratisur nga dhoma e gjumit, ndaj dhe ka vendosur edhe një shkallë, që të duket sa më reale.

Të alarmuar ato denoncojnë në polici dhe brenda disa orëve zbulojnë gjurmë të Emelit në mesin e një pylli, gjë që i frikëson ende më shumë. E gjithë familja sëbashku me ekipin policor, kërkojnë gjithandej edhe pasi errësohet.

Narini vendos t’i bëjë vetë punët e saj dhe për këtë ia qartëson të gjithëve që nuk dëshiron ndihmë dhe as që të ndjejnë keqardhje për të. I vetmi person që gëzohet, është motra e saj Kumru, që tanimë e do Kemalin për vete.

Ajo nevrikoset pafund kur i përgjon nga dera e hapur e dhomës dhe shikon përqafimin e tyre, si dhe ndihmën e pakushtëzuar të Kemalit ndaj saj. Dashuria tij për të, ia shton ende më shumë acarimin dhe xhelozinë që ndjen.

Ndërkohë në anën tjetër, Hikmeti lë mbi shtratin e Emirit foshnjën e vogël por Emiri pandeh t’a ketë lënë Ferideja dhe nevrikoset së tepërmi me të, aq sa i ulëret. Hikmeti merr përsipër veprimin dhe e shpëton Feridenë nga akuzat.

Vetëm pak çaste më vonë, Ferideja del të hedhë mbeturinat jashtë shtëpisë, ku do e shikojë ai që është i fiksuar pas saj dhe teksa tenton t’a marrë me forcë, ajo bie në tokë dhe përplas kokën duke mbetur pa ndjenja.

 

Emiri e ngarkon padrejtësisht Feridenë me shumë akuza kur shikon që djali tij është vendosur në shtratin e tij por Hikmeti ndërhyn dhe e sqaron që e ka lënë ai vetë. Për më tepër, i rikujton Emirit se ai nuk është një fëmijë i huaj.

Që aty, Ferideja del për të hedhur mbeturinat jashtë oborrit të shtëpisë. I fiksuari që kërkon të martohet me të, e shikon dhe tenton t’a marrë me forcë por sapo shikon Emirin, ai ia lëshon dorën dhe Ferideja bie në tokë.

Ajo përplas kokën dhe humbet vetdijen, ndërsa i fiksuari pas saj, ia mbath. Sakaq, në anën tjetër, Narini u kërkon të gjithëve që të mos shprehin keqardhje ndaj saj dhe se nuk do as që t’a ndihmojnë.

Kumruja gëzohet teksa e shikon duke vuajtur për t’i kryer vetë punët e saj por gëzimi i shuhet kur shikon Kemalin që e përqafon dhe i shpreh dashuri pa kushte, sepse tanimë Kumru e pëlqen atë për vete.