Month: May 2023

Mungesa e Xhavidanës në shtëpi, sjell një hare shumë të madhe, ku të gjithë janë vesh më vesh dhe madje Nigari me Zejnebin, bëjnë edhe imitime duke e përtallur atë, në një kohë që Xhavidana nuk është jashtë vendit por në një ndërtesë të harruar, e rrethuar me minj dhe e kyçur brenda.

Në anën tjetër ndodhet personi që Xhavidana po përpiqej të eleminonte; Rejhani. Ajo në mënyrë të përsëritshme ndjen dhembje shumë të mëdha, aq sa një moment e vëren edhe Emiri, i cili kërkon të nxitojnë për spital por Rejhani nuk pranon.

Ajo thotë se tanimë u qetësua dhe është e panevojshme të shkojnë, ndërkohë që nuk e di se doktoreshat e saj kanë zënë kokën me duar nga halli se çfarë ka Rejhani. Vetëm pak çaste më vonë, ajo do marrë një telefonatë nga Shehrija.

Shehrija i tregon Rejhanit dhe Emirit për divorcin mes Narinit dhe Kemalit, gjë që i shokon të dy. Rejhani nxiton për tek Narini por kjo e fundit është e vendosur të mos i tregojë askujt kërcënimet që ka marrë vazhdimisht nga Oja.

Feriti dhe Aisheja bien në kurthin e ngritur për to dhe Aishe bindet se Feriti sërish po tallet me të, duke dalë me të tjera njëkohësisht. Feriti ndërkohë zgjohet dhe nuk e kupton aspak se çfarë ka ndodhur por vazhdon programin që kishte.

Aisheja, për t’a refuzuar pa i treguar se çfarë ka parë, i thotë se është e sëmurë dhe nuk del dot, gjë që ai e beson. Në anën tjetër, Jamani dëgjon Nanën tek i thotë shoqes së saj se e ka refuzuar Lukën pasi e ka përzemër vetëm si vëlla.

Jamani nevrikoset me veten e tij që ajo që dëgjoi, e lumturoi aq shumë. Ai sjell përmbys zyrën që ka në shtëpi, ku  mes letrave që bien në tokë, gjen një letër nga Seheri, e cila dikur i ka shkruar se nëse vdes para tij, do donte që ai t’a vazhdonte jetën e të dashuronte sërish.

Mirëpo, Jamani nuk do t’ia pranojë vetes që ka filluar të ndjejë për Nanën dhe e lëndon atë duke e pyetur përse e konsideron veten pjesë të asaj familjeje. Në çast, Nanës i rrjedhin lot nga sytë ndërsa Jamani nxiton t’i kërkojë falje e të shpjegohet.

Jamani lumturohet shumë kur dëgjon Nanën duke i treguar shoqes së saj se e ka refuzuar propozimin e Lukës dhe i ka sqaruar se ndjen për të vetëm si shok. Lumturia që ndjen, i pasohet me ndjenjë faji dhe me nerva, sjell përmbys tavolinën e punës.

Në mesin e gjërave që bien, është edhe një letër e lënë nga Seheri, të cilën ai e lexon për herë të parë. Mes të tjerash, ajo i ka shkruar se nëse do mbyllë sytë para tij, do donte që ai t’a vazhdonte jetën e të dashuronte sërish, pastër.

Edhe pse Seheri ia ka dhënë lejen në formën e saj, ai nuk do t’ia pranojë vetes se po ndjen diçka për Nanën, ndaj dhe i flet asaj ashpër, duke e pyetur edhe përse e konsideron ajo veten pjesë të familjes, gjë që do e përlotë Nanën, por shumë shpejt ai i kërkon falje.

Sakaq, në anën tjetër ndodhet Feriti me Aishen, të cilët bien në kurthin e ngritur për to. Aishe bindet se ai po del me të dhe me një tjetër njëkohësisht por nuk e ballafaqon këtë. Ajo e shmang duke i thënë se është e sëmurë dhe nuk del dot, gjë që ai e beson.

Nëna Sulltaneshë mbërrin para familjes së Oktem Beut, me Edeballënë e prangosur. Oktemi është kundër atij arrestimi dhe po ashtu edhe Alçiçeku, e cila kërkon të dijë arsyen e arrestimit. Sulltanesha nuk e pret mirë pyetjen por e fal Alçiçekun për hir të Bengit që kërkon falje në emër të së bijës.

Ndërkohë, Mallhuni po nxiton për tek Osmani, për t’i treguar se Balla ka rënë në kurthin e Sulltaneshës, e cila i ka thënë se në këmbim të saj, do e lirojë Edeballënë, por e gjitha është një kurth për hakmarrje.

Balla mbërrin para Sulltaneshës, e cila menjëherë e prangos. Në mesin e të gjithëve, Balla e quan atë një frikacake që nuk i doli dot para e vetme por sajoi një skemë të tillë. Pasi e quan edhe të mjerë, Sulltanesha e qëllon me shuplakë.

Para se Balla t’i thotë edhe një fjalë tjetër, mbërrin Osmani por është pas derës së kalasë dhe Sulltaneshën nuk e ndalon asgjë që t’a dërgojë në qeli edhe Ballën, pavarësisht se Alçiçeku tenton t’a mbrojë.

Hafizeja shqetësohet shumë për Hajriun që është futur në atë formë në jetën e Nalanit, ndaj vendos të kërkojë ndihmën e Metinit, si babai i Nalanit që është. Ndërkohë Nalani, nxiton për tek Sedati që i tregon për Gylxhihanën.

Shkuarja e Nalanit në spital do ndezë gjakrat tek Hajriu, i cili sapo është divorcuar nga Tyrkana, në sallën e gjyqit. Ai e telefonon vazhdimisht por Nalani nuk i përgjigjet. Gjatë qëndrimit në spital, Nalani do vërejë ftohtësinë e Muzos.

Ai i kalon fare pranë por nuk i flet, për herë të parë. Shumë shpejt, në spital do vijë Hajriu, i cili do debatojë ashpër me Nalanin dhe do e kapë edhe nga krahu, duke shfaqur anën e tij më të shëmtuar, por për fat nuk e shikon Sedati.

Nalani largohet për në shtëpi por nga pas ka Hajriun, ulërimat e të cilit do shqetësojnë fqinjet e pallatit që nisin të kenë mendim negativ për Nalanin. Pas largimit të Hajriut, tek Nalani do trokasë Tyrkana me fëmijët.

 

Nalani nxiton t’i shkojë pranë Sedatit sapo ai i tregon për gjendjen e nënës së tij por gjatë asaj vizite, ai do vërejë telefonin e Nalanit, që vazhdimisht shfaq një thirrje telefonike. Gjatë asaj kohe, vëllai tij Muzo po inkurajohet nga Biluri.

Pas qëndrimit të shkurtër me të, ai kthehet në dhomën e nënës së tij, ku për herë të parë, nuk i flet Nalanit. Kjo e fundit lëndohet shumë por nuk sqarohet dot sepse në spital vjen Hajriu, i xhindosur që Nalani ka shkuar pranë Sedatit.

Ai i flet si mos më keq Nalanit, aq sa e kap edhe nga krahu. Pasi arrin t’a largojë që aty, Nalani mëson nga ai se është divorcuar dhe shokohet ndërsa ai ngulmon se ajo është shumë e gëzuar por po e fsheh. Në ato çaste, për Nalanin po flet edhe Hafizeja.

Ajo kërkon ndihmë nga Metini, për të. Por për Nalanin, problemet nuk do kenë të sosur sepse për shkak të Hajriut, ajo bëhet problem edhe në lagje, nga fqinjet e pallatit. Në fund të ditës, doza më e rëndë do i vijë nga Tyrkani që i troket në derë bashkë me vajzat por Nalani i premton se ajo nuk do kthehet me Hajriun.

Orhani ndodhet i vetëm në shtëpi duke gatuar, kur aksidentalisht shkakton ndezjen e një zjarri. I vetmi person që e shpëton dhe shuan zjarrin pavarësisht se rrezikon veten, është Xhemileja. Me gjestin që bën, ajo fiton edhe faljen e Orhanit.

Për më tepër, i kërkon atij leje për t’a ndihmuar me ushtrimet për të riecur, sepse një praktikë të tillë e ka bërë me një shoqe në jetimore dhe i ka mësuar veprimet përmendësh. Teksa Orhani pranon atë ofertë, vajza tij po shpreh dashurinë.

Ajo nuk e duron dot largësinë e Berkut, ndaj dhe ia rrëfen se çfarë ndjen për të, duke e bërë atë, djalin më të lumtur. Paralelisht, një djalë tjetër nuk është fare i lumtur. Ai është Kaani, i cili dëgjon Nebahatin duke folur keq për familjen e tij.

Qëllimisht, ai nxjerr nga valixhja fotografinë e nënës së tij me Akifin dhe Nebahati e shikon. Me të në dorë, ajo kërkon llogari nga Akifi, i cili i sajon një gënjeshtër të besueshme dhe më pas shkon të kërkojë llogari nga Kaani.

Kaani dëgjon një të folur të pakëndshme të Nebahatit për të dhe për hakmarrje ndaj saj, menjëherë lë mbi shtrat fotografinë e tij me nënën e ndjerë si dhe fotografinë e Akifit me të. Nebahati i shikon dhe çuditet pafund.

Ajo i shkon Akifit në kompani për t’i kërkuar llogari por Akifi e trajton si një punonjëse të zakonshme që ka pasur kompania tyre. Pas asaj bisede, ai shkon në shkollë tek Kaani për t’a kritikuar ndërsa ky i fundit e mbron veprimin e tij.

Brenda në shkollë, ai thotë para shoqërisë së tij, se ka vëlla e motër nga babai, se është prezantuar me to gjithashtu por ato nuk e kanë kuptuar se është vëllai tyre. Paralelisht, në shtëpinë e Orhanit, ky i fundit po gatun kur aksidentalisht ndez zjarr.

Xhemileja rastis të jetë në shtëpi dhe futet brenda për t’a shpëtuar, duke rrezikuar edhe jetën e saj. Orhani i është mirënjohës pafund, ndërsa Xhemileja, për më tepër, i kërkon leje që ajo t’a ushtrojë për ecje, sepse ka eksperiencën e mjaftueshme me një vajzë që të paralizuar që ka pasur në jetimore.

 

Masalli vijon të jetë po aq e vakët me të gjithë familjen, sa ka qenë ditën e parë të largimit të Narinit. Për shkak të keqardhjes që ndjen për Masallin, Shehrija sërish kërkon ndihmën e Narinit për t’a superuar atë situatë.

Fillimisht Narini refuzon por më pas, Shehrija sëbashku me Hëzërin, gjejnë një formë për t’a sjellë me mashtrim Narinin në shtëpi. Ato e akomodojnë Masallin në një dhomë ku të mos e shohë Kemali por Kemali shikon i pari Narinin.

Ai, përveçse ia ndalon t’a takojë të voglën, gjithashtu edhe i flet shumë keq Narinit, duke e bërë të largohet. Në anën tjetër, ndodhet shoqja Narinit, Rejhani, e cila sëbashku me Emirin po viziton nënën e tij të qumështit.

Rejhani sërish do ndjejë dhembje në bark dhe sërish do i fshehë. Gjatë asaj kohe, dalin përgjigjet e analizave të Rejhanit, të cilat e paraqesin gjendjen e saj shumë kritike, në një kohë që Rejhani nuk di asgjë.

Përgjigjet e analizave që iu bënë Rejhanit, rezultojnë të mos jenë fare të këndshme. Gjendja saj është aq kritike, saqë mjekja e Rejhanit kërkon ripërsëritjen e analizave, pasi nuk u beson dot syve në atë që lexon.

Gjatë asaj kohe, Rejhani ndodhet krah Emirit, në një vizitë tek nëna qumështit. Ajo ndjen sërish dhembje të forta në bark por nuk i flet me njeri, duke pandehur të jenë normale.

Në anën tjetër, ndodhet Shehrija, e cila nuk e shikon dot Masallin aq të mërzitur dhe sërish tenton t’a bindë Narinin që t’u shkojë pranë, po për hir të Masallit. Narini e detyruar, kundërshton, por Shehrija nuk ndalon.

Sëbashku me Hëzërin, ato e mashtrojnë Narinin sikur janë të sëmurë dhe Narini nxiton për tek ato por sado që përpiqen të fshihen, Kemali e shikon Narinin dhe jo vetëm e përzë por edhe e rëndon me fjalë shumë të ashpra.