Month: May 2023

Harika nxitet nga nëna saj Suzana që hamendëson se Kaani është djali Akifit, ndaj u troket atyre në shtëpi me një justifikim të besueshëm dhe arrin të marrë diçka të Akifit, që t’a dërgojnë për analizat e ADN-së së tij dhe Kaanit.

Teksa kthehet për në shtëpi, ajo takon rastësisht Ogulxhanin, i cili e fton të jetë shoqëruesja e tij në festë dhe kështu ajo e mbyll natën shumë e lumtur. Ditën tjetër, Omeri fton Susenin për të qenë shoqëruesja e tij dhe ajo pranon.

Po atë ditë, Shengyli zemërohet pafund pasi Nebahati ka hequr dorë nga këmisha që do vishte dhe ka zgjedhur diçka tjetër. Mirëpo, Orhani tanimë e ka futur kokën e tij në telashe për paratë që ka paguar për atë këmishë.

Drejtori kërkon paratë dhe Ajbykesë i shembet bota mbi kokë për babanë e saj të shkretë por për fat, Berku e dëgjon, nxiton të tërheqë paratë nga llogaria tij bankare dhe ia dorëzon në kohë Orhanit, para se ai të turpërohet para drejtorit.

Brenda vilës luksoze të Halis Agës, ndodh tradhëtia. Djali tij Orhani që në pamje të parë nuk e kundërshton as kur bëhet fjalë për martesën e padëshiruar të birit të tij Feritit, në po të njëjtën kohë fle me gruan e vëllasë së tij të ndjerë, Ifakatin.

Askush nuk e di për tradhëtinë e tyre dhe përveç Halisit, askush nuk e di as kur ajo niset për vendlindje, që të kërkojë një nuse për Feritin. Në vendlindje, lajmi përhapet me nxitim dhe ndër vajzat që shpreson më shumë, është Suna.

Të gjitha beqaret do paraqiten para Ifakatit dhe ashtu siç Suna shpresonte dhe Sejrani urrente, Suna zgjidhet si nusja për familjen e pasur. Lumturia që sjell ai lajm në shtëpinë e Sunës, bën që babai saj Kazimi t’a përqafojë për herë të parë.

Paralelisht, Orhani përpiqet t’i flasë djalit të tij Feritit, sepse të njëjtin fat ka pasur edhe ai dikur. Duke marrë shkas nga eksperienca tij, Orhani i lutet Feritit që t’a mendojë opsionin që ndoshta mund t’a dashurojë një ditë gruan e tij.

Orhani bie dakord me babanë e tij për t’a martuar Feritin, si dënim për sjelljen e tij dhe në mes të dëshpërimit që fjala tij nuk ka peshë, ai shkon në dhomën e Ifakatit, me të cilën ai e tradhëton gruan e tij.

Sakaq, Ifakati, merr urdhër të shkojë në vendlindje, që të gjejë një nuse të përshtatshme për Feritin. Këtij të fundit, do i shkojë pranë babai tij Orhani, për t’i sugjeruar që t’a marrë martesën me mendim pak më të mirë, që të mos i shkojë jeta dëm.

Ai i kërkon me ngulm, të provojë t’a dashurojë vajzën që do i sjellin për martesë. Ndërkohë, lajmi në vendlindje është përhapur dhe Suna është më entuziastja, gjë që motrën e saj e vret, sepse ajo ka ëndrra të mëdha dhe idealiste.

Ashtu siç Suna donte, ajo zgjidhet si nusja e ardhshme e Feritit dhe lajmi se do shkojnë për t’i kërkuar dorën, mbërrin edhe tek babai saj, i cili për herë të parë, e përqafon të bijën dhe i shpreh dashuri, gjë që atë dhe të motrën i bën të çuditen.

Emiri dhe Rejhani qajnë si fëmijë në krahët e njëri tjetrit, duke vajtur për fatin që u ka rënë. Fillimisht, Emiri mendon se problemi është vetëm tek kjo shtatzëni dhe i kërkon t’a heqë fëmijën e të shpëtojë veten por Rejhani nuk pranon.

Ajo i tregon se është shansi i fundit për të qenë prindër dhe pas atyre fjalëve e mes lotësh, largohet. Emiri i shkon nga pas në dhomë por vetëm i rrjedhin lot nga sytë, në heshtje. Pas një kohe të gjatë, ai nis të flasë sërish.

Ndonëse dëshiron me shpirt që të jetë prind, ai sërish zgjedh Rejhanin para fëmijës ndërsa Rejhani ngulmon se nuk do e heqë, pasi është e bindur se do jetojnë të dy pas lindjes, edhe ajo, edhe foshnja.

Përtej besimit të Rejhanit se do jetojë edhe ajo edhe fëmija pas lindjes, Emiri sërish nuk do që ajo të rezikojë dhe i kërkon t’a marrin vendimin së bashku por Rejhani nuk pranon.

Oja i shkon nga pas Narinit për të vërtetuar fjalën e saj, se ndodhet aty vetëm për Masallin dhe jo për Kemalin. Për këtë, ajo pret nga Narini që të mundësojë sa më shpesh takime të Kemalit me Pelinin, që ato të dy të afrohen.

Ndërkohë, në anën tjetër, Emirit i shembet bota mbi kokë kur Rejhani i tregon të vërtetën. Pa hezituar për asnjë çast, ai i kërkon t’a heqë fëmijën e të shpëtojë veten por Rejhani qan ende më shumë dhe tregon të vërtetën me detaje.

Emiri pëson një shokim të dytë kur mëson se Rejhani nuk ka një mundësi të dytë për të qenë nënë. Nga lëndimi, ai hesht për disa minuta me rradhë por sërish, zgjedhja e tij është Rejhani, sado që do shumë të jetë prind.

Ai i kërkon asaj të mos e rrezikojë shëndetin por t’a heqë fëmijën ndërsa Rejhani ngulmon mes lotësh se do e lindë fëmijën, pasi ka bindjen e plotë se do shpëtojë edhe ajo e do jetojnë të gjithë të lumtur.

 

Jamani e shikon Nanën duke ia mbathur me taksi ndaj dhe i vihet nga pas, derisa arrin t’a ndalojë e t’i kërkojë shpjegim përse ajo po ia mbath prej tij. Për një çast, Nana thuajse i rrëfen atij dashurinë që ndjen për të, por nuk e bën.

Ajo thotë se ai ka shumë rregulla, gjë që e nevrikos ndaj dhe kërkon të dalë ndonjëherë nga ai ambjent. Me forcë, Jamani e kthen në shtëpi por për shkakun e tij, ajo sërish pëson çrregullimin e rrahjeve të zemrës.

Jamani i thërret mjekun e familjes dhe i lë të vetëm me njëri tjetrin. Nga gjërat që ajo i shpjegon në mënyrë të sinqertë, ai kupton se janë vetëm emocione dhe tensione nga dashuria por këtë, nuk ia thotë Jamanit.

Sakaq, në anën tjetër, Aisheja gjen Neshenë në tokë, pa ndjenja dhe sëbashku me Feritin e dërgojnë me nxitim në spital, ku Aishes, lotët nuk do i shterojnë në asnjë çast sepse doktori u tregon se Neshe ende nuk e ka kaluar rrezikun për jetën.

Aisheja shoqërohet nga Feriti kur nxiton për në shtëpi pasi Neshe nuk i përgjigjet në telefon. Ato e gjejnë Neshenë në tokë, pa ndjenja dhe me nxitim e dërgojnë në spital, ku mësojnë se është helmuar dhe rrezikon jetën.

Teksa Aishes nuk i ndalojnë lotët për motrën, në anën tjetër ndodhet Nana, të cilës nuk i ndalojnë rrahjet e shpeshta të zemrës, sa herë që Jamani i afrohet, ndaj dhe merr një taksi për t’u larguar për pak nga shtëpia.

Nga frika se ende mund t’i kanoset ndonjë rrezik, Jamani i vihet nga pas dhe arrin t’a ndalojë atë, si dhe t’a kthejë në shtëpi, ndonëse ajo justifikohet sikur duhet të marrë ajër larg shtëpisë dhe rregullave që ai vendos.

Në shtëpi i rikthehet e njëjta gjë me rrahjet e zemrës ndaj Jamani i thërret doktorin e familjes dhe i lë të vetëm ato të dy. Ai nuk e dëgjon doktorin, i cili  me bindje i sqaron se gjendja saj është vetëm nga emocionet e dashurisë.

Sulltanesha dhe Bengi bëjnë planin e qartë të martesës së Alçiçekut me Aktemurin, në mënyrë që Sulltanesha të ketë hapësirë për t’i dhënë një post vendimtar Bengit. Kjo e fundit, gjen kundërshtime nga bashkëshorti.

Megjithatë, ngulmon derisa e bind edhe atë se nuk duhet t’i mbajnë larg dy të rinjtë e dashuruar. Më pas, ato marrin miratimin e vajzës dhe pa humbur kohë, Bengi shkon pranë Aishes për t’i treguar ndryshimin e qëndrimit të tyre.

Aisheja, ndonëse çuditet, tregohet e drejtë dhe vendos primare dashurinë e të birit. Ajo i dhuron gjithë botën, duke i thënë se në mbrëmje do shkojnë të kërkojnë dorën e Alçiçekut. Sakaq, në anën tjetër ndodhet Osmani.

Ai dhe Turguti vijojnë të qëndrojnë përballë Shehut, duke marrë prej tij mësime tepër të vyera. Mbledhjes së tyre denjitoze do i bashkohen edhe djemtë e Osmanit, Orhani dhe Alaadini.

Shengli bën gabimin për të cilin Nebahati e paralajmëroi më ashpër se kurrë; ajo dogji këmishën që po i hekuroste. Nebahati gjithashtu i tregoi se për një gabim të tillë, ajo e ka hequr nga puna ndihmësen e dhjetë viteve.

Shengyli nxiton të blejë një tjetër si ajo por çmimi i këmishës, kalon çdo pritshmëri. Sakaq, në anën tjetër ndodhet Omeri me Kadirin, në rrezik të madh nga djemtë që kanë ardhur të hakmerren ndaj Omerit. Një djalosh nga shkolla, i shikon ato.

Ai kupton çfarë po ndodh dhe përcjell me një frymë lajmin në shkollë. Me po aq shpejtësi do nxitojnë edhe Ogulxhani, Berku, Doruku, Mazllumi, Kaani dhe Tollga. Ato i shpëtojnë djemtë nga situata dhe rikthehen në shkollë.

Xhemileja shikon vetullën e çarë të Tollgës dhe i ofron ndihmë për ta mjekuar, gjë që atë e bën të marroset ende më shumë pas saj. Çaste më vonë, kur fëmijët shpërndahen në shtëpi dhe Kaani shkon për një projekt tek Harika, Suzana kupton nga emri i nënës së Kaanit se ai është djali Akifit.

Rejhani del përpara doktoreshës së saj duke i shprehur bindjen e plotë se ajo do jetojë edhe pasi t’a sjellë në jetë fëmijën. Duke hequr dorë nga operacioni, Rejhani largohet nga spitali. Në ato momente, Xhavidana ndodhet në rrezik.

Xhemreja e shënjestron nga larg për t’a vrarë dhe tërheq këmbëzën por Talazi ia ka hequr plumbat dhe ajo nuk qëllon dot. Me forcë por në heshtje, Talazi e merr Xhemrenë që aty dhe e largon. Brenda në shtëpi, do futet edhe Rejhani.

Ajo ndan me Melikenë vendimin e asaj dite dhe rrjedhimisht shkakton lot frike tek Melikeja. Megjithatë, kjo e fundit arrin t’a bindë Rejhanin që tanimë duhet t’ia thotë Emirit ndaj gjen format e duhura dhe i largon të gjithë nga shtëpia, që çifti të qëndrojë vetëm për vetëm.

Sakaq, në anën tjetër, Oja fut në mendime Narinin. Duke i theksuar se kërkon vetëm të mirën e vëllasë dhe mbesës së saj, Oja argumenton para saj se Pelini është më e denjë për Kemalin dhe Masallin sepse ajo nuk ka një të shkuar të errët.