Month: July 2023

Hatixheja e lejon Sejranin të kthehet në shtëpi me Feritin dhe për vete shkon pranë Halisit, pa e menduar fare Kazimin. Ajo, me krenari i tregon bylyzykun që mban në dorë, të dhuruar nga ai vetë. Për më tepër, qëndron aty gjithë natën.

Ndërkohë Sejrani me Feritin, të shoqëruar nga pjesa tjetër e familjes, dalin nga spitali bashkarisht, gjë që Pelini e shikon nga makina dhe qan me dënesë, se si Feriti nuk u intersua aspak për të.

Sakaq, Feriti dhe Sejrani mbërrijnë në shtëpi. Feriti kërkon të dijë se si shkoi ajo deri në aeroport por për shkak se përgjigjia do tregojë Jusufin, ajo zgjedh të mos flasë, derisa Feriti ngulmon aq sa ajo flet dhe tregon.

Fillimisht e ka të vështirë t’a besojë dhe njëkohësisht nevrikoset por më pas e kupton Sejranin dhe pajtohen. Mëngjesin e të nesërmes, Kazimi ballafaqohet me hallën e tij por nuk guxon t’a kritikojë për asgjë sepse ajo nuk e lejon.

Gjithë situatat e krijuara rreth e rrotull Narinit, bëjnë që ajo të bindet se nuk mund të jetë dot as bashkëshorte për Emirin dhe as nënë për Masallin, ndaj dhe heq dorë nga martesa. Sado që përpiqet, Kemalli nuk e bind dot.

E gjithë nata kalon me lot për të tërë, përveç Kumrusë. Sakaq, po atë natë, në anën tjetër, Oja tenton të heqë nga puna Feridenë por nuk e lejon Feriti, gjë që e bind Ojën se diçka po lind mes tyre ndaj dhe e paralajmëron Feridenë.

Oja i betohet se do i ketë gjithmonë sytë mbi të, ndaj le të bëjë kujdes. Por, mëngjesin tjetër, Ojës do i duket sikur gjërat po i shkojnë kundër. Fillimisht, e gjithë familja vëren se si djali i Emirit pushon vetëm në krahët e Feridesë.

Më pas, duke marrë shkas nga ajo që shikon Hikmeti me sytë e tij, ai vendos që nga ai moment e tutje, Ferideja të ulet në të njëjtën sofër me to dhe gjithashtu, le të vendosin bashkarisht një emër për djalin e Emirit.

Aishe i paraqitet Feritit si shumë e pashpirt lidhur me largimin e tij prej gjashtë muajsh. Por Feriti nuk e beson atë sjellje dhe ngulmon tek ajo. Ndërkohë, Neshe po lëndohet nga Vollkani që e shikon duke dalë me Bashakun nga shtëpia.

Ajo e lëshon veten në mërzi, aq sa rrëfimin e saj para Aishes do e dëgjojë edhe Dodoja. Të nesërmen, kur Vollkani mëson nga Dodo se përse po i shmanget Neshe, ai e merr këtë të fundit për dore dhe del para Bashakut me furi.

Vollkani poshtëron Bashakun dhe ngre Neshenë duke treguar se janë vetëm shokë por ajo sakrifikoi për hir të tij. Sakaq, në anën tjetër ndodhet Akça, e cila keqkupton një bisedë që dëgjon nga Nana dhe pandeh se ajo ka pëlqim për Kubilajin.

Si të mos mjaftonte fjala që ajo përhap gabim, Ajnuri përdor telefonin e Nanës për t’i dërguar mesazh Kubilajit, ku i shkruan se e ka të vështirë t’i shprehë ndjenjat por thellë brenda vetes ka pëlqim për të.

Sejrani bën çdo përpjekje për t’a mbajtur Feritin por ai gjithsesi nuk kthehet nga vendimi tij. Në dalje të aeroportit, Jusufi merr një telefonatë ku i tregojnë se Halis Aga po dërgohet në spital me urgjencë. Ai lajm, e tmerron edhe Sejranin.

Personi që frikësohet më shumë nga të gjithë, është Hatixheja. Ajo e humbet toruan aq sa i ulëret Kazimit që pretendon të mos shkojnë në spital. Pasi të gjithë mblidhen atje, doktori lajmëron se gjendja e Halisit është stabile.

Të buzëqeshur, ato përqafohen me njëri-tjetrin, derisa Halisi kërkon të shohë Feritin. Ato i shmangen përgjigjes, prandaj Halisi thërret në dhomë Sejranin, duke qenë i bindur se vetëm ajo do i thotë të vërtetën.

Sejrani e ndrojtur, nuk i bën goja t’i thotë se Feriti është larguar dhe për fat nuk ia thotë sepse në limit, Feriti futet në dhomë. Ai ka mësuar se gjyshi tij është shtruar në spital dhe nuk i ka bërë zemra të largohet.

Suzana mahnitet nga një surprizë e papritur e Resulit, që e fton në një nga shtëpitë e tij, ku e ka mbushur ambjentin me petale lulesh, pije dhe ushqime të larmishme, vetëm për t’i kërkuar falje denjësisht asaj.

Paralelisht, fëmijët e tyre po surprizohen nga ardhja e papritur e Emirit në shkollë. Kësaj rradhe, ai, bashkë me motrën dhe të dashurën e tij, kanë ardhur si nxënës të rinj që futen pikërisht në klasën e tyre.

Armiqësia e hapur mes tyre, bën që Emirit t’i afrohet menjëherë Tollga. Shkujdesshëm, ai i tregon që i urren aq shumë saqë i ka vënë flakën festës së tyre dhe atë rrëfim, e dëgjon edhe dikush tjetër.

Pas përfundimit të mësimit, Omeri dhe Ogulxhani do dalin sërish në pazar për të shitur, që të fitojnë sadopak para. Kësaj rradhe, ato përballen me dhunë dhe akuzë, nga persona që pretendojnë t’a kenë zënë vendin aty para tyre.

Në kolegjin “Ataman” do shtohen 3 nxënësit më të papritur; Emiri, motra dhe e dashura tij. Me t’iu afruar pranë Omerit, Emiri i rrëfen se ka ardhur për hakmarrje dhe si goditje të parë, ngjesh pas muri Ogulxhanin.

Si të mos mjaftonte, ato futen në të njëjtën klasë. Personi që kupton tensionimin mes tyre, është Tollga, ndaj dhe i afrohet Emirit. Në pushimin e madh, një djalosh dëgjon Tollgën tek i rrëfen Emirit se ai ia ka vënë flakën festës ku ishin disa net më parë.

Pas asaj dite mësimore plot ngjarje dhe emocione të forta, Ogulxhani me Omerin shkojnë sërish në pazar për të shitur por me dhunë, i largojnë që aty duke u thënë se kanë zënë vendin e dikujt tjetër, padrejtësisht.

Përtej tyre, ndodhet Suzana me Resulin. Ky i fundit, për t’i kërkuar falje në mënyrë të denjë, ka përgatitur një surprizë romantike, të mbushur me petale dhe ushqime të larmishme, vetëm për ato të dy.

Narini ndihet si mos më keq për Masallin, ndërkohë që fajtorja e fshehtë, Kumru, merr një falenderim nga Kemali. Ajo lumturohet shumë nga ai falenderim, derisa dëgjon që ai nuk po heq dorë nga martesa me motrën e saj, Narinin.

Të gjithë, përfshirë familjen e Hikmetit, fillojnë përgatitjet për atë mbrëmje festive. Në shtëpinë e tyre nuk pushojnë të qarat e foshnjës në mungesë të Feridesë dhe Emiri gjithashtu nuk u përgjigjet në asnjë telefonatë.

Ato nuk e dinë se Emiri dhe Ferideja po luftojnë me Reshitin për të shpëtuar jetët e tyre. Reshiti u shkon në banesë para se Ferideja të mund të shpëtojë Emirin nga pranga. Reshiti, merr Feridenë në dhomë dhe tenton t’a përdhunojë.

Nga tmerri, ajo ia mbath por ajo skenë do bëjë që Emiri të marrë mjaftueshëm forcë sa për t’u liruar. Ferideja, Reshiti dhe Emiri vrapojnë pas njëri tjetrit derisa Reshitit i rrëshqet këmba dhe bie nga një humnerë që i shkakton atij vdekjen.

Kumru fiton nga Kemali vetëm një falenderim, lumturia e të cilës shuhet sapo e dëgjon duke biseduar për organizimet e asaj mbrëmjeje, për martesën e tij me Narinin. Për atë mbrëmje, po përgatiten edhe në shtëpinë e Hikmetit.

Ato nevrikosen që Emiri nuk ndodhet gjëkundi dhe as Ferideja, mungesa e së cilës bën që djali i Emirit vetëm të qajë. Ferideja në ato momente, dështon për të shpëtuar Emirin nga prangat që Reshiti i ka vënë sepse ky i fundit u shkon pranë.

Ai merr Feridenë në dhomën ngjitur, ku tenton t’a përdhunojë por Ferideja ia mbath prej tij. Nga mllefi asaj që dëgjon, Emiri arrin të lirojë duart dhe vrapon pas tyre, derisa shkojnë buzë një humnere. Aty, Emiri rreh Reshitin.

Ai merr për dore Feridenë për t’u larguar ndërsa Reshiti ngrihet në këmbë, me armë në dorë. Para se t’a tërheqë këmbëzën, Reshiti i rrëshqet këmba, bie nga humnera dhe vdes në vend nga përplasjet e njëpasnjëshme.

 

Nana shikon fshehjen si zgjidhje të vetme për të mos dalë me kandidatin që ajo ka në shtëpi. Ajo fshihet në depo por Ajnuri e spiunon tek djaloshi, i cili menjëherë i shkon pranë Nanën. Fshehurazi, Ajnuri i kyç me çelës.

Nana në çast bëhet keq sepse klaustrofobia e bën të ndihet sikur nuk mbushet dot me frymë. Mungesa saj vërehet nga Jamani, i cili e dëgjon zërin e saj pas derës së depos dhe e shpërthen pa humbur kohë, duke e marrë atë në krahë.

Me nxitim ai e nxjerr në ballkonin e dhomës së tij, që ajo të marrë ajër të pastër. Ndërkohë, në anën tjetër ndodhet Feriti, i cili deklaron dashurinë e madhe për Aishen, para një vajze që i rrëfen atij se është e dashuruar në të, që nga gjimnazi.

Lumturia që Feriti i dhuron Aishes me deklaratën e tij, do shuhet nga një telefonatë që i vjen nga eprori tyre, i cili lajmëron Feritin se do largohet nga Stambolli për gjashtë muaj të plotë, për një mision policor.

Feritit dhe Aishes u del përpara një vajzë që asnjëri nuk e njeh por ajo i kujton Feritit se kanë qenë në një klasë në gjimnaz dhe gjithashtu rrëfen se që atëherë është e dashuruar pas tij. Por, Feriti i tregon se dashuron dikë tjetër.

Ai flet me pasion për dashurinë që ndjen për Aishen por nuk e përmend emrin e Aishes, sepse ajo nuk do. Vetëm pak çaste më vonë, e gjithë lumturia tyre do shuhet sepse eprori punës së tyre e cakton Feritin në një mision 6 mujor, larg Stambollit.

Sakaq, në anën tjetër ndodhet Nana, e cila fshihet në depon e shtëpisë për të mos dalë me djalin që kërkon dorën e saj. Ajnuri e shikon, spiunon vendin ku ndodhet Nana dhe sapo djaloshi futet brenda, ajo tinëzisht i mbyll brenda në çelës.

Nana menjëherë bëhet keq, duke menduar se do vdesë nga mungesa e ajrit. Brenda pak minutash, Jamani mëson çfarë po ndodh, shpërthen derën dhe merr në krahë Nanën, për t’a nxjerrë në ajër të pastër.