Month: June 2023

Suzana rrëfen para Susenit vjedhjen që vajza saj Harika ka bërë e më pas largohet duke i lënë të vetme, por Suseni vendos t’ia falë Harikës edhe veprimin edhe paratë që Suzana i ktheu, në mënyrë që Harika të vazhdojë shkollën.

Paralelisht, Omeri dhe Asija shikojnë Tollgën që i afrohet Xhemilesë ndaj dhe e paralajmërojnë këtë të fundit që të bëjë kujdes. Orë të tëra kalojnë derisa fillon programi i shkollës, ku ortaku më i ri do jetë Resuli, babai i Berkut.

Ai vjen i shoqëruar nga Suzana, të cilën e ka punësuar si asistenten e tij, gjë që shkakton xhelozi tek Akifi por Shengyli do e shpërqëndrojë me një tjetër problem. Ajo i tregon se Orhani po dyshon dhe në atë moment, Orhani i përgjon.

Ai tmerrohet nga ajo që mëson, se Melisa ka shkaktuar vdekjen e Kadirit ndaj dhe merr të largohet për në polici. Nebahati që i dëgjon tenton t’a pengojë dhe teksa e largon nga vetja, aksidentalisht Orhani e hedh atë nga kati i dytë.

Suzana ia kthen Susenit paratë që Harika ka marrë nga byzylyku që i ka vjedhur. Më pas, Suzana largohet ndërsa Harika mes lotësh i betohet se vetëm donte të qëndronte në shkollë, ndaj Suseni e përqafon dhe ia fal edhe paratë.

Disa orë më vonë, në mbrëmje, do mblidhen të gjithë në shkollë për të festuar ortakërinë e re, atë me Resulin, babain e Berkut. Ai vjen i shoqëruar nga Suzana, të cilën e ka punësuar si asistenten e tij, gjë që Akifin e bën xheloz.

Por, Akifi në atë mbërmje do ketë një problem më të madh se Suzana dhe ajo është Shengyli, e cila i shpreh dyshimet se mos Orhani po dyshon tek tapia e shtëpisë dhe në atë moment Orhani dëgjon e mëson gjithçka për Melisën.

Ai mëson se Kadiri ka vdekur për shkak të saj dhe ulëret duke thënë se do e denoncojë në polici. E tmerruar, Nebahati zë t’a pengojë duke e kapur nga krahu por përfundon duke rënë nga kati dytë kur Orhani e shtyn tutje për t’a larguar.

Kumru zgjohet fshehurazi gjatë natës për të kontrolluar shtëpinë dhe në çdo hap e më shumë bindet se do të jetojë në atë luks, edhe pse nëna saj është e vendosur për të mos qëndruar.

Nga një bisedë mes Shehrijes dhe Taxhit, ajo mëson se e motra me Kemalin kanë qenë të martuar formalisht dhe tani janë ndarë. Të nesërmen në mëngjes, Narini viziton nënën e saj për të parë nëse është çdo gjë në rregull apo jo.

Nëna saj shfrytëzon çdo moment për t’i kërkuar falje por Narini e ka të pamundur që t’a falë ndaj dhe largohet prej saj pa i dhënë asnjë përgjigje. Sakaq, në anën tjetër ndodhet një fëmijë i vogël që ka nevojë për kujdes mjekësor.

Ai është djali i Emirit, për të cilin vendoset shtrimi në spital. Paralelisht, Ferideja atë ditë del nga burgu, me paratë për shpëtimin e vëllasë dhe misionin për të qenë nënë për djalin e Emirit, siç Xhavidana i ka kërkuar.

Kumru shëtit gjithandej në shtëpinë e Kemalit, duke qenë e etur për paratë dhe luksin. Ajo është aq e vendosur të akomodohet aty përgjithmonë saqë nuk e merr parasysh nënën që ngulmon se duhet të largohen sa më parë.

Të nesërmen në mëgjes, teksa nëna saj i përgjërohet Narinit për t’a falur, Kumru dëgjon me veshët e saj Shehrijen dhe Taxhin teksa për mendin martesën dhe divorcin mes Kemalit dhe Narinit.

Ndërkohë, në anën tjetër ndodhet Emiri që vazhdon të përmendë spitalin si të vetmen zgjidhje për djalin e tij, ndonëse nuk e pranon si të tillë. Një temperaturë e lartë që foshnjës i vjen, do bëjë që Hikmeti të pranojë.

Teksa ai bën telefonatat e duhura për të shtruar në spital nipin, nga burgu po del një person pikërisht për t’u kujdesur për nipin e tij. Ajo është Ferideja, e cila merr përsipër shpëtimin e vëllasë dhe të nipit të Xhavidanës, djalit të Emirit.

Nedimi arrin të fitojë besimin e Jamanit me gjestin që bën dhe me aq, ia hedh. Ai largohet që aty, ndërkohë që në shtëpinë e Jamanit të gjithë e kanë pranuar se ai ka vdekur, ndaj dhe nuk u pushojnë lotët.

Hallë Akça e shikon si të arsyeshme që tanimë t’ia thotë edhe Jusufit por sapo ulet për t’ia sqaruar atë që mendon se ka ndodhur, dera do trokasë dhe pas derës shfaqet Jamani me Nanën.

Ardhja tij i dhuron gjithë familjes lumturi të papërshkrueshme dhe nga halla tij kupton se vetëm Nana nuk e ka besuar se ai ka vdekur. Sakaq, në anën tjetër ndodhet një tjetër person mëse i lumtur që ai nuk ka vdekur.

Ai person është Feriti, i cili përfiton nga situata dhe e bën Aishen të besojë se ende nuk i ka kaluar trauma, ndaj dhe Aisheja përkujdeset për të si për një fëmijë, sepse ndjen dhembshuri.

Jamani arrin të mashtrohet nga Nedimi që rrezikon edhe jetën e tij, vetëm për t’ia fituar atij besimin. Kështu, Jamani i drejtohet shtëpisë së tij, ndërkohë që në shtëpi tanimë të gjithë besojnë se ai ka vdekur.

Madje, hallë Akça përgatitet shpirtërisht për t’i treguar edhe Jusufit atë që beson, se Jamani ka vdekur por sapo merr të flasë, dëgjohet zilja e derës. Jusufi nxiton t’a hapë dhe pas derës shfaqet Jamani me Nanën.

Ardhja tij lumturon të gjithë familjen që kishte nisur ceremonitë mortore për të. Nga një bisedë e shkurtër me hallën e tij, Jamani kupton se vetëm Nana nuk e ka besuar se ai ka vdekur.

Sakaq, në anën tjetër ndodhet Feriti, mëse i lumtur që Jamani jeton por edhe e shfrytëzon gjithçka që ndodhi, për t’u hequr si viktimë para Aishes, sepse ajo mendon që ai po kalon traumë ndaj dhe kujdeset për të.

Sejrani vrapon pas Feritit pasi i kërkon Jusufit të dalë nga jeta saj. Sapo kthehen në shtëpi, ato të dy i thërret në dhomë Halis Aga, i cili kërkon të dijë të vërtetën se kush është Jusufi. Për të mbrojtur Sejranin, Feriti gënjen.

Sejrani aprovon gënjeshtrën e tij dhe Halisi hiqet sikur u besoi por në të vërtetë cakton dikë pas Feritit, që t’a ndjekë në çdo hap. Sulltana e dëgjon përtej derës kur Halisi ia jep Latifit këtë urdhër dhe ia përcjell Feritit vetë.

Pak çaste pas largimit të Sulltanës, Feriti bëhet keq dhe bie në tokë. Abidini nxiton me një frymë që t’a ndihmojë dhe kupton se Feriti po e ekzagjeron situatën që Sejrani t’i qëndrojë mbi kokë.

Gjatë asaj kohe, për Sejranin po debaton Gylgini me Orhanin, kundër Ifakatit. Kjo e fundit e shikon të papërshtatshme që nusja e asaj familjeje të ndajë kohë për universitet ndërsa Gylgini ngulmon që Sejrani të vazhdojë ëndrrën e saj.

Sejrani dhe Feriti kthehen në shtëpi, ku dalin para Halis Agës që pyet se kush është Jusufi. Feriti gënjen për të mos e paditur Sejranin dhe ndonëse e mbyll temën me aq, Halisi sërish nuk e beson.

Ai paralajmëron Latifin që t’i vendosin nga pas një person Feritit dhe Latifi pranon por atë bisedë e dëgjon edhe Sulltana, e cila e lajmëron Feritin pa humbur fare kohë. Vetëm pak çaste më vonë, Feriti përkeqësohet.

Atij i bie sheqeri dhe Sejrani panikoset e mes lotësh i kërkon ndihmë Abidinit. Ky i fundit vjen në kohë por nevrikoset me Feritin që ai e ka ekzagjeruar gjendjen e tij vetëm që të panikoste Sejranin.

Në ato momente, për Sejranin po flet Ifakati me Orhanin dhe Gylgynin dhe vetëm kjo e fundit, është dakord që Sejrani të ndjekë ëndrrën e saj më të madhe, që është shkollimi.

 

Ferideja shokohet kur mëson se në këmbim të jetës së vëllait të saj, ajo duhet të martohet me armikun e familjes, i cili është i dashuruar pas saj dhe vetëm ai mund t’ua japë paratë që u nevojiten. Edhe pse e do vëllanë, ajo refuzon.

Ferideja kthehet në qeli mëse e trishtuar dhe ndan me të gjitha hallin që i ka rënë. Xhavidana e dëgjon dhe pasi bien të gjitha në gjumë, ajo i shkon pranë Feridesë dhe i dorëzon çekun me paratë që asaj i nevojiten.

Fillimisht ajo nuk i pranon sepse shuma është shumë e madhe por më pas bien dakord që në këmbim të atyre parave, ajo do bëhet nëna e nipit të Xhavidanës. Ato nuk e dinë se në ato momente të gjithë po qajnë nga frika për nipin.

Melikesë i duket se ai nuk po merr frymë dhe të gjithë reagojnë njëherazi, përfshirë Emirin, por për fat, Hikmeti kupton ku është problei dhe e sjell në vete foshnjën. Paralelisht, vëllai tij Kemali sjell në shtëpi nënën dhe motrën e Narinit, pa miratimin e kësaj të fundit.

Kemali vijon të bjerë pre e Kumrusë që e bën atë të besojë se jetojnë në një motel të frikshëm. Kemali i kërkon mendim Narinit por ajo refuzon t’i marrin në shtëpinë e tyre, gjë që edhe Kumru e dëgjon por sërish Kemali bën siç di vetë.

Sëbashku me Kumrunë dhe nënën e tyre, ai kthehet në shtëpi. Ndërkohë, vëllai tij Hikmeti shpëton nipin e vogël nga diçka e ngecur në fyt që foshnjën nuk po e lejonte të merrte frymë dhe që të gjithë i panikosi njëherazi.

Paralelisht, Xhavidana në burg dëgjon hallin që i ka rënë Feridesë. Për të siguruar paratë që kërkon dhuruesi për vëllanë e saj, Feridesë i kërkohet të martohet me një person që ajo nuk e do por ai e dashuron marrëzisht.

Ferideja e ka refuzuar që në sekondën e parë dhe mrekullisht, ato para ia jep në një çek Xhavidana. Në këmbim të zemërgjerësisë së Xhavidanës, Ferideja pranon të jetë nënë për të voglin e Emirit.